PM Says | ഇന്ഗ്ലീഷ് ആശയവിനിമയത്തിനുള്ള മാധ്യമം മാത്രം, ബുദ്ധിജീവിയെന്നതിന്റെ മാനദണ്ഡമല്ലെന്നും പ്രധാനമന്ത്രി
ADVERTISEMENT
ന്യൂഡെല്ഹി: (www.kvartha.com) ഇന്ഗ്ലീഷ് ആശയവിനിമയത്തിനുള്ള മാധ്യമം മാത്രമാണെന്ന് പ്രധാനമന്ത്രി നരേന്ദ്രമോദി. ഇത് ബുദ്ധിജീവിയെന്നതിന്റെ മാനദണ്ഡമല്ലെന്നും പ്രാദേശിക ഭാഷകളുടെ പ്രാധാന്യം എടുത്തു പറഞ്ഞ് അദ്ദേഹം വ്യക്തമാക്കി. കേന്ദ്ര ആഭ്യന്തര മന്ത്രി അമിത് ഷാ എംബിബിഎസ് പഠനത്തിനുള്ള ഹിന്ദി പാഠപുസ്തകങ്ങള് പുറത്തിറക്കിയതിന് പിന്നാലെയാണ് അദ്ദേഹത്തിന്റെ പ്രസ്താവന.
നേരത്തെ ഇന്ഗ്ലീഷിനെ ബുദ്ധിജീവിയെന്നതിന്റെ മാനദണ്ഡമായി കണക്കാക്കിയിരുന്നെങ്കിലും യഥാര്ഥത്തില് ആശയ വിനിമയത്തിനുള്ള മാധ്യമം മാത്രമാണ് ഇന്ഗ്ലീഷ് ഭാഷ. ഗ്രാമങ്ങളില് നിന്നുള്ള നിരവധി കുട്ടികള് ഡോക്ടര്മാരും എന്ജിനീയര്മാരും ആവാത്തതിന് കാരണം അവര്ക്ക് ഇന്ഗ്ലീഷില് പരിജ്ഞാനം ഇല്ലാത്തതാണെന്നും അദ്ദേഹം പറഞ്ഞു.
രാജ്യത്തിന്റെ പുതിയ വിദ്യാഭ്യാസനയം ഇന്ഗ്ലീഷിനോടുള്ള അടിമത്ത മനോഭാവം ഇല്ലാതാക്കും. ഇന്ഗ്ലീഷില് പഠനം പൂര്ത്തിയാക്കാത്ത പാവപ്പെട്ട രക്ഷിതാക്കളുടെ മക്കളേയും ഡോക്ടറും എന്ജിനീയറും ആക്കുകയാണ് കേന്ദ്രസര്കാരിന്റെ ലക്ഷ്യമെന്നും അദ്ദേഹം പറഞ്ഞു.
Keywords: New Delhi, News, National, Prime Minister, Narendra Modi, English just a medium of communication, not mark of being intellectual, says PM Modi.
