Follow KVARTHA on Google news Follow Us!
ad

Gas Cylinder Blast | പാചകവാതകം ചോര്‍ന്ന് തീപടര്‍ന്നു; 2 പേര്‍ക്ക് പരിക്ക്, അപകടം അന്നദാനത്തിനായി ഭക്ഷണം പാകം ചെയ്യുന്നതിനിടെ

Two injured in LPG leaked and caught fire #കേരളവാർത്തകൾ #ന്യൂസ്റൂം #ഇന്നത്തെവാർത്തകൾ
പറവൂര്‍: (www.kvartha.com) ഭക്ഷണം പാകം ചെയ്യുന്നതിനിടെ പാചകവാതകം ചോര്‍ന്ന് തീപടര്‍ന്നതിനെ തുടര്‍ന്ന് രണ്ടുപേര്‍ക്ക് പരിക്ക്. കുഞ്ഞിത്തൈ സ്വദേശികളായ പഴയിടത്ത് മഹേഷ് (52), പുത്തന്‍വീട്ടില്‍ പ്രശാന്ത് (40) എന്നിവര്‍ക്കാണ് പൊള്ളലേറ്റത്. ഞായറാഴ്ച രാത്രി ഒമ്പതോടെയാണ് സംഭവം. കുഞ്ഞിത്തൈ ആതുരസേവ സംഘം പണികഴിച്ച ഗുരുദേവ മണ്ഡപത്തില്‍ തിങ്കളാഴ്ച പ്രതിഷ്ഠ നടക്കാനിരിക്കെയാണ് അപകടം.

പ്രതിഷ്ഠയുടെ ഭാഗമായുള്ള അന്നദാനത്തിനായി പാചകം നടക്കുന്നതിനിടെ ഗ്യാസ് സിലിന്‍ഡര്‍ തുറന്ന ഉടന്‍ ലീക് ഉണ്ടായി. തുടര്‍ന്ന് സമീപത്ത് ഉപയോഗിച്ചുക്കൊണ്ടിരുന്ന മറ്റൊരു സിലിന്‍ഡറില്‍നിന്ന് തീ ഇതിലേക്ക് പടരുകയുമായിരുന്നു. സിലിന്‍ഡര്‍ കൈകാര്യം ചെയ്തിരുന്ന രണ്ടുപേര്‍ക്കാണ് പൊള്ളലേറ്റത്.

News, Kerala, Injured, Fire, Accident, Food, hospital, Two injured in LPG leaked and caught fire.

മഹേഷിനെ എറണാകുളം മെഡികല്‍ ട്രസ്റ്റിലും പ്രശാന്തിനെ പറവൂരിലെ ഡോണ്‍ ബോസ്‌കോ ആശുപത്രിയിലും പ്രവേശിപ്പിച്ചു. അപകടത്തെ തുടര്‍ന്ന് അന്നദാനം മാറ്റിവച്ചെങ്കിലും പ്രതിഷ്ഠ ചടങ്ങുകള്‍ നടത്തി.

Keywords: News, Kerala, Injured, Fire, Accident, Food, hospital, Two injured in LPG leaked and caught fire.

Post a Comment