പന്തീരാങ്കാവ് വള്ളിക്കുന്ന് 'സൗമ്യയില്‍' അബു സാദിഖ്-രസ്‌ന ദമ്പതികളുടെ മകളായ ലയ ഫാത്വിമ കോഴിക്കോട് സാവിയോ ഹയര്‍ സെകന്‍ഡറിയില്‍ പ്ലസ് വണ്‍ വിദ്യാര്‍ഥിനിയാണ്. ചെറുപ്പം മുതലേ തൈക്വോന്‍ഡോയില്‍ പരിശീലനം നടത്തുന്ന ലയയും സഹോദരി സേബയും രാജ്യത്തിനകത്തും പുറത്തും നിരവധി മത്സരങ്ങളില്‍ പങ്കെടുത്ത് സമ്മാനങ്ങള്‍ നേടിയിട്ടുണ്ട്. 2019ല്‍ ജോര്‍ദനില്‍ നടന്ന ഏഷ്യന്‍ ജൂനിയര്‍ കാഡറ്റ് ചാമ്പ്യന്‍ഷിപില്‍ ലയ അഞ്ചാംസ്ഥാനം നേടിയിരുന്നു.
ചെന്നൈയില്‍ നടന്ന ദേശീയ കാഡറ്റ് ചാമ്പ്യന്‍ഷിപിലും സൗത് സോണ്‍ മത്സരത്തിലും വെള്ളിമെഡലിന് അര്‍ഹയായി. സഹോദരി സി കെ സേബ നാഷനല്‍ ജൂനിയര്‍ ചാമ്പ്യന്‍ഷിപില്‍ വെള്ളി നേടി. പന്തീരാങ്കാവ് സ്‌കൂള്‍ ഓഫ് തൈക്വോന്‍ഡോയില്‍ പി സി ഗോപിനാഥ്, പി എം ഉമേഷ്, കെ പ്രണവ് എന്നിവരുടെ നേതൃത്വത്തില്‍ 11 വര്‍ഷമായി പരിശീലനം നടത്തുന്ന ലയ തേര്‍ഡ് ഡാന്‍ ബ്ലാക് ബെല്‍റ്റാണ്.
Keywords: Kozhikode, News, Kerala, India, France, Girl, Programme, Laya Fathima, Represent, Taekwondo, Laya Fathima goes to France to represent India in Taekwondo.