കോഴിക്കോട്: (www.kvartha.com) കെഎസ്ആര്‍ടിസി ബസില്‍ ആറ് വയസുകാരിയെ ഉപദ്രവിക്കാന്‍ ശ്രമിച്ച കേസില്‍ ഒരാള്‍ അറസ്റ്റില്‍. നിലമ്പൂര്‍ പൊലീസ് സ്റ്റേഷന്‍ പരിധിയില്‍പെട്ട ബിജുവാണ് അറസ്റ്റിലായത്. സംഭവത്തില്‍ കുട്ടിയുടെ മാതാപിതാക്കളുടെയും യാത്രക്കാരുടെയും മൊഴി രേഖപ്പെടുത്തിയതായി നടക്കാവ് പൊലീസ് പറഞ്ഞു.
ഞായറാഴ്ച രാത്രിയാണ് കേസിനാസ്പദമായ സംഭവം. തൃശൂര്‍-കണ്ണൂര്‍ സൂപര്‍ഫാസ്റ്റ് ബസില്‍ യാത്ര ചെയ്യുകയായിരുന്ന കുട്ടിയെ പ്രതി ഉപദ്രവിക്കാന്‍ ശ്രമിച്ചെന്നാണ് പരാതി. സീറ്റില്‍ ഇരിക്കാന്‍ ശ്രമിക്കുന്നതിനിടെ അമ്മയുടെ മടിയില്‍ ഇരിക്കുകയായിരുന്ന കുട്ടിയ ഇയാള്‍ കടന്നുപിടിച്ചെന്നാണ് യാത്രക്കാര്‍ പറയുന്നത്. ബസില്‍ നല്ല തിരക്കുണ്ടായിരുന്നുവെന്നും യാത്രക്കാര്‍ പറഞ്ഞു.
Keywords: Kozhikode, News, Kerala, Molestation attempt, Passengers, Accused, Police, Crime, Case, Case of attempting to molest 6-year-old girl on KSRTC bus; One arrested.