കോഴിക്കോട് നിന്ന് കാണാതായ പെണ്‍കുട്ടി തിരികെ വീട്ടിലെത്തി

കോഴിക്കോട്: (www.kvartha.com 18.02.2022) വെള്ളയിലില്‍ നിന്ന് കാണാതായ പെണ്‍കുട്ടി തിരികെ വീട്ടിലെത്തി. വെളളിമാട് കുന്ന് ബാലികാമന്ദിരത്തില്‍ നിന്ന് പുറത്തുകടക്കാന്‍ ശ്രമിച്ചതിനെ തുടര്‍ന്ന് വീട്ടുകാര്‍ക്കൊപ്പം അയച്ച പെണ്‍കുട്ടിയെയാണ് വ്യാഴാഴ്ച കാണാതായത്. വീട്ടില്‍ നിന്ന് സ്‌കൂളിലേക്ക് എന്ന് പറഞ്ഞ് പോയ പെണ്‍കുട്ടിയെ കാണാതാവുകയായിരുന്നു.

സംഭവത്തിന് പിന്നാലെ വെള്ളയില്‍ പൊലീസ് കേസെടുത്ത് അന്വേഷണം ആരംഭിച്ചു. പെണ്‍കുട്ടിയെ ക്ലാസില്‍ കാണാത്തതിനെ തുടര്‍ന്ന് അധ്യാപകന്‍ രക്ഷിതാവിനെ വിളിച്ച് അന്വേഷിക്കുകയായിരുന്നു. കുട്ടി സ്‌കൂളില്‍ എത്തിയിട്ടില്ലെന്ന് ബോധ്യമായതോടെ രക്ഷിതാവ് പൊലീസിനെ അറിയിച്ചു.

നേരത്തെ ചില്‍ഡ്രന്‍സ് ഹോമില്‍ നിന്നും രക്ഷപ്പെട്ട ആറ് പെണ്‍കുട്ടികളില്‍ ഒരാളായിരുന്നു ഈ പെണ്‍കുട്ടിയും. കുട്ടിയെ തിരിച്ചെത്തിച്ചതിന് ശേഷം വീട്ടിലേക്ക് കൊണ്ടു പോകാന്‍ രക്ഷിതാക്കള്‍ സന്നദ്ധത അറിയിച്ചിരുന്നു. വീട്ടിലേക്ക് പോവാന്‍ കുട്ടിയും താല്‍പര്യം പ്രകടിപ്പിച്ചതോടെ മാതാവിന്റെ അപേക്ഷ പരിഗണിച്ച് ജില്ലാ കലക്ടര്‍ കുട്ടിയെ രക്ഷിതാക്കള്‍ക്ക് വിട്ട് നല്‍കുകയായിരുന്നു.

Keywords: Kozhikode, News, Kerala, Missing, Girl, Police, Case, House, Girl who went missing from Kozhikode returned home.