'വസ്ത്രത്തിനുള്ളില്‍ ജെലാറ്റിന്‍ സ്റ്റികുകള്‍ ഘടിപ്പിച്ചതിന് ശേഷം ഭര്‍ത്താവ് ഭാര്യയെ ആലിംഗനം ചെയ്തു'; സ്‌ഫോടകവസ്തു പൊട്ടിത്തെറിച്ച് ദമ്പതികള്‍ മരിച്ചു

അഹ് മദാബാദ്: (www.kvartha.com 26.02.2022) സ്‌ഫോടകവസ്തു പൊട്ടിത്തെറിച്ച് ദമ്പതികള്‍ മരിച്ചു. ലാല പാഗി (45), ഭാര്യ ശാരദ എന്നിവരാണ് മരിച്ചത്. ഗുജറാത്തിലെ ആരവല്ലി ജില്ലയില്‍ വ്യാഴാഴ്ച രാത്രി എട്ട് മണിക്കാണ് സംഭവം. ലാല പാഗി തന്റെ വസ്ത്രത്തിനുള്ളില്‍ ജെലാറ്റിന്‍ സ്റ്റികുകള്‍ ഘടിപ്പിച്ചതിന് ശേഷം ഭാര്യയെ ആലിംഗനം ചെയ്തതോടെയാണ് സ്‌ഫോടനം നടന്നതെന്ന് പൊലീസ് പറഞ്ഞു.

സംഭവത്തെ കുറിച്ച് പൊലീസ് പറയുന്നതിങ്ങനെ: ലാല പാഗിയില്‍ നിന്നും വീട്ടുകാരില്‍ നിന്നും ശാരീരികവും മാനസികവുമായ പീഡനങ്ങള്‍ സഹിക്കാനാവാതെ ഒന്നര മാസമായി വേര്‍പിരിഞ്ഞ് കഴിയുകയായിരുന്നു ഭാര്യ ശാരദ. ഒരുമിച്ച് ജീവിക്കാന്‍ ഭാര്യ വിസമ്മതിച്ചതിനെ തുടര്‍ന്നാണ് ഭാര്യയെ അവസാനമായി കാണണമെന്നാവശ്യപ്പെട്ട് പാഗി മേഘരാജ് നഗരത്തിലെ ഭാര്യ വീട്ടിലെത്തുകയായിരുന്നു.