പ്രണയ ചിത്രം രാധേശ്യാമിന്റെ 2-ാം ട്രെയിലര്‍ മാര്‍ച് 2ന്

മുംബൈ: (www.kvartha.com 28.02.2022) പ്രഭാസ് നായകനായി എത്തുന്ന രാധേശ്യാം എന്ന ചിത്രത്തിന്റെ രണ്ടാം ട്രെയിലര്‍ മാര്‍ച് രണ്ടിന് പുറത്തിറക്കും. മാര്‍ച് 11 നാണ് ചിത്രം പ്രദര്‍ശനത്തിന് എത്തുന്നത്. പൂജാ ഹെഗ്ഡെയാണ് നായിക. ചിത്രത്തിന്റെ മലയാളം പതിപ്പില്‍ സിനിമയുടെ ഇതിവൃത്തം പറയുന്നത് മലയാളികളുടെ പ്രിയതാരം പൃഥ്വിരാജ ആണ്. 1970 കളിലെ യൂറോപ് പശ്ചാത്തലമാക്കി ഒരുക്കിയ ചിത്രത്തില്‍ ഹസ്തരേഖ വിദഗ്ധനായ വിക്രമാദിത്യയെന്ന കഥാപാത്രമായാണ് പ്രഭാസ് എത്തുക.

ബഹുഭാഷ ചിത്രമായ രാധേശ്യാം ഇറ്റലി, ജോര്‍ജിയ, ഹൈദരാബാദ് എന്നിവടങ്ങളിലാണ് ചിത്രീകരിച്ചത്. യുവി ക്രിയേഷന്‍, ടി- സീരീസ്ബാനറില്‍ ഭൂഷണ്‍ കുമാര്‍, വാംസി, പ്രമോദ് എന്നിവര്‍ ചേര്‍ന്ന് നിര്‍മ്മിച്ച ചിത്രത്തിന്റെ സംവിധാനം നിര്‍വഹിച്ചിരിക്കുന്നത് രാധാ കൃഷ്ണകുമാറാണ്. ചിത്രത്തില്‍ സച്ചിന്‍ ഖേദേകര്‍, ഭാഗ്യശ്രീ, പ്രിയദര്‍ശി, മുരളി ശര്‍മ, സാശാ ചേത്രി, കുനാല്‍ റോയ് കപൂര്‍ എന്നിവരും പ്രധാന വേഷം കൈകാര്യം ചെയ്യുന്നുണ്ട്.