സംസ്ഥാനത്ത് 15 മുതല് 18 വയസുവരെയുള്ള കുട്ടികളുടെ വാക്സിനേഷന് ആരംഭിച്ചു; ആദ്യ ഘട്ടത്തില് നല്കുന്നത് കോവാക്സിന്
Jan 3, 2022, 11:46 IST
ADVERTISEMENT
തിരുവനന്തപുരം: (www.kvartha.com 03.02.2022) സംസ്ഥാനത്ത് 15 മുതല് 18 വയസുവരെയുള്ള കുട്ടികളുടെ വാക്സിനേഷന് ആരംഭിച്ചു. തിങ്കളാഴ്ച രാവിലെ ഒമ്പത് മണി മുതല് ആരംഭിച്ച വാക്സിനേഷന് വൈകുന്നേരം അഞ്ച് മണിവരെയാണ് നടക്കുക. ആദ്യ ഘട്ടത്തില് കോവാക്സിനാണ് കുട്ടികള്ക്ക് നല്കുന്നത്.
ജനുവരി 10 വരെ ബുധനാഴ്ച ഒഴികെയുള്ള ആറ് ദിവസങ്ങളിലും വാക്സിനേഷന് കേന്ദ്രങ്ങള് രാവിലെ ഒമ്പത് മണിമുതല് അഞ്ച് മണിവരെ പ്രവര്ത്തിക്കും. കുട്ടികളുടെ പ്രത്യേക വാക്സിനേഷന് കേന്ദ്രങ്ങളില് കോവാക്സിന് മാത്രമാകും നല്കുക. ജനറല്/ജില്ലാ/താലൂക്ക്/സിഎച്ച്സി എന്നിവിടങ്ങളില് കുട്ടികള്ക്കുള്ള വാക്സിനേഷന് ഉണ്ടായിരിക്കും.
പ്രാഥമികാരോഗ്യ കേന്ദ്രം, കുടുംബാരോഗ്യ കേന്ദ്രം എന്നിവിടങ്ങളില് ചൊവ്വ, വെള്ളി, ശനി, ഞായര് ദിവസങ്ങളില് മാത്രമേ വാക്സിനേഷന് ഉണ്ടാകൂ. വാക്സിനേഷന് കേന്ദ്രങ്ങളില് ഡോക്ടര്മാരുടെ സേവനം ലഭ്യമാണ്. കോവിഡ് വന്നിട്ടുള്ള കുട്ടികള് മൂന്ന് മാസം കഴിഞ്ഞ് വാക്സിന് സ്വീകരിച്ചാല് മതി.
ആധാര്, സ്കൂള് ഐ ഡി കാര്ഡ് എന്നിവ ഉപയോഗിച്ച് ഓണ്ലൈനില് രെജിസ്റ്റെര് ചെയ്യാം. ഓണ്ലൈന് രെജിസ്റ്റെര് ചെയ്യാന് കഴിയാത്തവര്ക്ക് വാക്സിനേഷന് കേന്ദ്രങ്ങളില് എത്തി രെജിസ്റ്റെര് ചെയ്ത് വാക്സിന് സ്വീകരിക്കാം. 15.34 ലക്ഷം കുട്ടികള്ക്ക് വാക്സിന് നല്കാനാണ് സര്കാര് ഉദ്ദേശിക്കുന്നത്. കുട്ടികളുടെ വാക്സിനേഷന് കേന്ദ്രങ്ങള് പെട്ടെന്ന് തിരിച്ചറിയാനായി പിങ്ക് നിറത്തിലുള്ള ബോര്ഡ് പ്രദര്ശിപ്പിച്ചിട്ടുണ്ട്.
Keywords: Thiruvananthapuram, News, Kerala, Vaccine, COVID-19, Children, Health, Government, Vaccination of children between the ages of 15 and 18 years started in Kerala
< !- START disable copy paste -->
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
