മണ്ഡല മകരവിളക്ക് തീര്‍ഥാടനം പൂര്‍ത്തിയാക്കി വ്യാഴാഴ്ച ശബരിമല നട അടക്കും; ഭക്തര്‍ക്കുള്ള പ്രവേശനം രാത്രി വരെ, ഇതുവരെയുള്ള നടവരവ് 147 കോടി രൂപ

ശബരിമല: (www.kvartha.com 19.01.2022) മണ്ഡല മകരവിളക്ക് തീര്‍ഥാടനം പൂര്‍ത്തിയാക്കി വ്യാഴാഴ്ച ശബരിമല നട അടക്കും. അതേസമയം ഭക്തര്‍ക്കുള്ള ദര്‍ശനം ബുധനാഴ്ച രാത്രി വരെയുണ്ട്. ഹരിവരാസനം ചൊല്ലി നട അടക്കുന്നതോടെ ഈ വര്‍ഷത്തെ മകരവിളക്ക് തീര്‍ഥാടനം പൂര്‍ത്തിയാകും.

കഴിഞ്ഞദിവസം പന്തളം രാജപ്രതിനിധിയുടെ സാന്നിധ്യത്തില്‍ ശബരിമല സന്നിധാനത്ത് നടന്ന കളഭാഭിഷേകത്തോടെ സന്നിധാനത്തെ അഭിഷേകങ്ങളും പ്രധാന പൂജകളും പൂര്‍ത്തിയായി. തുടര്‍ന്ന് രാത്രിയില്‍ ശരംകുത്തിയിലേക്ക് ഏഴുന്നള്ളത്ത് നടന്നു.

ശബരിമലയില്‍ ഇതുവരെയുള്ള നടവരവ് 147 കോടി രൂപയാണ്. വ്യാഴാഴ്ച പന്തളം രാജപ്രതിനിധി പരമ്പരാഗത ആചാര പ്രകാരം ദര്‍ശനം നടത്തിയശേഷം നട അടക്കും. തിരുവാഭരണങ്ങളുമായി രാജപ്രതിനിധി പന്തളത്തേക്ക് മടക്കയാത്ര തുടങ്ങും.

Keywords: Sabarimala, News, Kerala, Temple, Religion, Sabarimala Temple, Makara Vilakk Pilgrimage, Sabarimala will close tomorrow after completing Makara Vilakk Pilgrimage.