നീയമീ: (www.kvartha.com 09.11.2021) ആഫ്രികന്‍ രാജ്യമായ നൈജറില്‍ സ്‌കൂള്‍ കെട്ടിടത്തിന് തീപിടിച്ച് 26 കുട്ടികള്‍ മരിച്ചു. 13 പേര്‍ക്ക് പരിക്കേറ്റു. തെക്കന്‍ നൈജറില്‍ വൈക്കോലും മരവും ഉപയോഗിച്ച് നിര്‍മിച്ച സ്‌കൂളിലാണ് തീപിടിത്തമുണ്ടായതെന്ന് പ്രാദേശിക ഗവര്‍ണര്‍ വാര്‍ത്താ ഏജന്‍സിയായ എ എഫ് പിയോട് വ്യക്തമാക്കി.
'ഇതുവരെ 26 കുട്ടികള്‍ മരിച്ചതായും 13 പേര്‍ക്ക് പരിക്കേറ്റതായും സ്ഥിരീകരിച്ചിട്ടുണ്ട്. പരിക്കേറ്റവരില്‍ നാലുപേരുടെ നില ഗുരുതരമാണ്. അഞ്ച്-ആറ് വയസ് പ്രായമുള്ള കുട്ടികളാണ് മരണപ്പെട്ടത്' എന്നും മറാഡി സിറ്റി മേയര്‍ ചായ്ബൗ അബൂബകര്‍ പറഞ്ഞു.
നൈജറിലെ സ്‌കൂളുകളില്‍ ഭൂരിഭാഗവും വൈക്കോലും തടിയും ഉപയോഗിച്ചു നിര്‍മിച്ചവയാണ്. പല സ്‌കൂളുകളിലും കുട്ടികള്‍ നിലത്തിരുന്നാണ് പഠനം നടത്തുന്നത്.
Keywords: News, World, Accident, Fire, School, Injured, Death, Children, At least 26 children die in Niger school fire