ഇസ്ലാമബാദ്: (www.kvartha.com 08.06.2021) പാകിസ്ഥാനില് രണ്ട് പാസഞ്ചര് ട്രെയിനുകള് കൂട്ടിയിടിച്ചുണ്ടായ അപകടത്തില് മരിച്ചവരുടെ എണ്ണം 62 ആയി. കഴിഞ്ഞ ദിവസം സിന്ധ് പ്രവിശ്യയിലെ ഘോത്കി ജില്ലയിലാണ് സംഭവം. റേതി, ദഹര്കി റെയില്വേ സ്റ്റേഷനുകള്ക്കിടയില് മില്ലത് എക്സ്പ്രസും സര് സയിദ് എക്സ്പ്രസുമാണ് അപകടത്തില്പെടുകയായിരുന്നു. മില്ലത് എക്സ്പ്രസിന്റെ 14ഓളം ബോഗികള് അപകടത്തില് മറിഞ്ഞുവീണു.
അപകടം നടന്ന റെയില്വേ ട്രാക് പുനഃസ്ഥാപിച്ചതായും സര്വീസ് ഉടന് വീണ്ടും തുടങ്ങുമെന്നും റയില്വേ സൂപ്രണ്ട് ശുക്കൂര് താരിഖ് ലത്തീഫ് അറിയിച്ചു. കറാച്ചിയില് നിന്നും സര്ഗോഥയിലേക്ക് പോകുകയായിരുന്ന മില്ലത് എക്സ്പ്രസ് പാളംതെറ്റുകയും ലാഹോറില് നിന്നും കറാച്ചിയിലേക്ക് പോകുകയായിരുന്ന സര് സയിദ് എക്സ്പ്രസുമായി കൂട്ടിയിടിക്കുകയുമായിരുന്നു.
Keywords: Islamabad, News, World, Death, Accident, Railway, Train, Railway Track, Pakistan, Pakistan train accident: Death toll rises to 62