ലക്നൗ: (www.kvartha.com 31.05.2021) യുപി ഉന്നാവിലെ ബുക്സറില് മണ്ണൊലിപ്പിനെ തുടര്ന്ന് ഗംഗാ നദീതടത്തില് സംസ്കരിച്ച മൃതദേഹങ്ങള് നദിയിലൂടെ ഒഴുകിനടക്കുന്നു. ശ്മശാനത്തിലെ സ്ഥല പരിമിതിയെ തുടര്ന്നായിരുന്നു മൃതദേഹങ്ങള് നദീ തടത്തില് സംസ്കരിച്ചത്. കഴിഞ്ഞ രണ്ട് ദിവസങ്ങളിലായി നദിയിലെ ജലനിരപ്പ് 40-45 സെന്റിമീറ്ററോളം ഉയര്ന്നിരുന്നതിനെ തുടര്ന്ന് തീരത്തെ മണ്ണിടിഞ്ഞിരുന്നു.
ആഴത്തില് കുഴിയെടുത്ത് സംസ്കരിക്കാതിരുന്ന മൃതദേഹങ്ങളില് ചിലത് ഇതോടെ ജലോപരിതലത്തിലേക്ക് എത്തുകയായിരുന്നു. ബിഗാപൂരിലെ ബുക്സാര് ശ്മശാനത്തിലെ സ്ഥലപരിമിതി മൂലം ഈ മാസം ആദ്യം നൂറ് കണക്കിന് മൃതദേഹങ്ങള് നദിതീരത്തെ മണലില് അടക്കം ചെയ്തിരുന്നു.
Keywords: Lucknow, News, National, Dead Body, River, Erosion, Riverbank, Bodies buried in sand along riverbank begin floating in Ganga due to erosion