മദ്യപിച്ചെത്തി അമ്മയെ ഉപദ്രവിക്കുന്നത് പതിവായി; അച്ഛനെ തലയ്ക്കിടിച്ച് കൊലപ്പെടുത്തി, മകന് പൊലീസ് സ്റ്റേഷനില് എത്തി കീഴടങ്ങി
Mar 17, 2021, 08:36 IST
തൃശൂര്: (www.kvartha.com 17.03.2021) പുറ്റേക്കരയില് അച്ഛനെ തലയ്ക്കിടിച്ച് കൊലപ്പെടുത്തിയ ശേഷം മകന് പൊലീസ് സ്റ്റേഷനിലെത്തി കീഴടങ്ങി. തൃശൂര് പുറ്റേക്കര സ്വദേശി ചിറ്റിലപ്പിള്ളി വീട്ടില് തോമസ്(65) ആണ് കൊല്ലപ്പെട്ടത്. ഓടോറിക്ഷ ഡ്രൈവറായ മകന് ഷിജന് തോമസിനെ ചുറ്റികകൊണ്ട് തലയ്ക്കടിച്ച് കൊലപ്പെടുത്തുകയായിരുന്നു. മരിച്ചെന്ന് ഉറപ്പായതോടെ നേരെ പൊലീസ് സ്റ്റേഷനില് എത്തി മകന് കീഴടങ്ങി.
സ്ഥിരമായി മദ്യപിച്ചെത്തുന്ന അച്ഛന് അമ്മയെ ഉപദ്രവിക്കാറുണ്ടെന്ന് മകന് പൊലീസിനോട് പറഞ്ഞു. ഇതേചൊല്ലി സ്ഥിരം വഴക്കുണ്ടാകുമായിരുന്നു. സംഭവ ദിവസവും സമാനമായ വഴക്കുണ്ടായി. ഇതിനിടെയാണ് ചുറ്റിക കൊണ്ട് തലയ്ക്കടിച്ചതെന്ന് മകന് പൊലീസിനോട് മൊഴി നല്കി. പേരാമംഗലം പൊലീസ് മകന്റെ അറസ്റ്റ് രേഖപ്പെടുത്തി.
Keywords: Thrissur, News, Kerala, Police Station, Police, Crime, Killed, Son, Father, Mother, Arrest, Youth killed man in Thrissur
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.