കമ്പൈന്‍ഡ് ജിയോ സയന്റിസ്റ്റ് പരീക്ഷയ്ക്ക് അപേക്ഷ ക്ഷണിച്ചു; അവസാന തീയതി 27ന്
Oct 15, 2020, 09:35 IST
ന്യൂഡെല്‍ഹി: (www.kvartha.com 15.10.2020) കമ്പൈന്‍ഡ് ജിയോ സയന്റിസ്റ്റ് പരീക്ഷ 2021-ന് യു പി എസ് സി അപേക്ഷ ക്ഷണിച്ചു. വിവിധ വിഭാഗങ്ങളിലായി 40 ഒഴിവുകളാണുള്ളത്. രണ്ട് ഘട്ടങ്ങളിലായാണ് പരീക്ഷ. ആദ്യഘട്ട പരീക്ഷ 2021 ഫെബ്രുവരി 21-ന് നടക്കും. തിരുവനന്തപുരത്ത് പരീക്ഷാകേന്ദ്രമുണ്ട്.
കാറ്റഗറി I (ജിയോളജിക്കല്‍ സര്‍വേ ഓഫ് ഇന്ത്യയിലെ ഒഴിവുകള്‍): കെമിസ്റ്റ്, ഗ്രൂപ്പ് എ- 15. കാറ്റഗറി II (സെന്‍ട്രല്‍ ഗ്രൗണ്ട് വാട്ടര്‍ ബോര്‍ഡിലെ ഒഴിവുകള്‍): സയന്റിസ്റ്റ് ബി (ഹൈഡ്രോളജി) ഗ്രൂപ്പ് എ- 16, സയന്റിസ്റ്റ് ബി (കെമിക്കല്‍) ഗ്രൂപ്പ് എ- 3, സയന്റിസ്റ്റ് ബി (ജിയോഫിസിക്‌സ്) ഗ്രൂപ്പ് എ- 6.
യോഗ്യതകള്‍: കെമിസ്റ്റ്/സയന്റിസ്റ്റ് ബി (കെമിക്കല്‍): എം.എസ്സി. കെമിസ്ട്രി/ അപ്ലൈഡ് കെമിസ്ട്രി/അനലറ്റിക്കല്‍ കെമിസ്ട്രി. സയന്റിസ്റ്റ് ബി (ഹൈഡ്രോളജി): ജിയോളജി/അപ്ലൈഡ് ജിയോളജി/മറൈന്‍ ജിയോളജി/ഹൈഡ്രോജിയോളജി എന്നിവയിലേതിലെങ്കിലും ബിരുദാനന്തരബിരുദം. സയന്റിസ്റ്റ് ബി (ജിയോഫിസിക്‌സ്): എം എസ് സി ഫിസിക്‌സ്/അപ്ലൈഡ് ഫിസിക്‌സ്/ജിയോഫിസിക്‌സ്/അപ്ലൈഡ് ജിയോഫിസിക്‌സ്/മറൈന്‍ ജിയോഫിസിക്‌സ്/ഇന്റഗ്രേറ്റഡ് എം എസ് സി എക്‌സ്‌പ്ലോറേഷന്‍ ജിയോഫിസിക്‌സ്/എം എസ് സി (ടെക്‌നോളജി) (അപ്ലൈഡ് ജിയോഫിസിക്‌സ്).
യോഗ്യതാപരീക്ഷ എഴുതി ഫലം പ്രതീക്ഷിക്കുന്നവര്‍ക്കും നിബന്ധനകളോടെ പരീക്ഷയെഴുതാം. 21-32 (നിയമാനുസൃത ഇളവുകളുണ്ട്) ആണ് പ്രായപരിധി. വിശദവിവരങ്ങള്‍ക്ക് www.upsconline.nic.in സന്ദര്‍ശിക്കുക. അവസാന തീയതി ഒക്ടോബര്‍ 27നാണ്.
Keywords: New Delhi, News, National, Examination, Application, Education, Can apply for combined Geoscientist examination
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
