ടോള്‍ പിരിവ് ഒഴിവാക്കണമെന്ന കേരളത്തിന്റ ആവശ്യം കേന്ദ്രം തള്ളി

ന്യൂഡല്‍ഹി: ദേശീയ പാതയില്‍ ടോള്‍പിരിവ് ഒഴിവാക്കണമെന്ന കേരളത്തിന്റെ ആവശ്യം കേന്ദ്രസര്‍ക്കാര്‍ തള്ളി. ടോള്‍ ഒഴിവാക്കണമെങ്കില്‍ യൂസേഴ്‌സ് ഫീയായി ലഭിക്കേണ്ട പണം കേരള സര്‍ക്കാര്‍ നല്‍കണമെന്ന് കേന്ദ്രഗതാഗത മന്ത്രി സി.പി. ജോഷി പറഞ്ഞു.

അതിനിടെ ദേശീയ പാതയോരത്തെ മദ്യശാലകള്‍ നീക്കം ചെയ്യാന്‍ സംസ്ഥാന സര്‍ക്കാര്‍ ഉചിതമായ നടപടി സ്വീകരിക്കണമെന്നും സി.പി ജോഷി ആവശ്യപ്പെട്ടു. യൂസേഴ്‌സ് ഫീ നല്‍കാന്‍ തയ്യറാണെന്ന് സംസ്ഥാനം അറിയിക്കുന്നപക്ഷം അനുകൂലമായ നിലപാടെടുക്കുമെന്നും ജോഷി വ്യക്തമാക്കി.

നേരത്തെ ദേശീയ പാതയ്ക്കും, ദേശീയ പാതയിലെ അറ്റകുറ്റ പണികള്‍ക്കും ടോള്‍പിരിവ് ഒഴിവാക്കണമെന്നാവശ്യപ്പെട്ട് മുഖ്യമന്ത്രി ഉമ്മന്‍ചാണ്ടി
കേന്ദ്രസര്‍ക്കാരിന് കത്തയച്ചിരുന്നു. ടോള്‍ പിരിക്കുന്നതിനെതിരെ കേരളത്തിലുണ്ടാകുന്ന പ്രതിഷേധത്തെ തുടര്‍ന്നാണിതെന്നും കത്തില്‍ ചൂണ്ടിക്കാട്ടി.