റിയാദില്‍ ചേരുന്ന ജിസിസി ഉച്ചകോടിയില്‍ പങ്കെടുക്കാന്‍ ഖത്തറിന് ക്ഷണം; സൗദി രാജാവ് ഖത്തര്‍ അമീറിന് കത്തയച്ചു

ദോഹ: (www.kvartha.com 04.12.2019) റിയാദില്‍ ചേരുന്ന ജിസിസി ഉച്ചകോടിയില്‍ പങ്കെടുക്കാന്‍ ഖത്തറിന് ക്ഷണം ലഭിച്ചു. സൗദി രാജാവ് സല്‍മാന്‍ രാജാവ് ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍താനിക്ക് കത്തയച്ചു. സൗദി രാജാവിന്റെ കൈപ്പടയിലുള്ള ക്ഷണക്കത്ത് ഖത്തര്‍ വിദേശകാര്യ മന്ത്രിയും ഉപപ്രധാനമന്ത്രിയുമായ ഷെയ്ഖ് മുഹമ്മദ് ബിന്‍ അബ്ദുല്‍ റഹ്മാന്‍ അല്‍താനി സ്വീകരിച്ചതായി വാര്‍ത്തകള്‍ പുറത്തു വന്നു. ഡിസംബര്‍ 10 ന് റിയാദില്‍ നടക്കുന്ന ജിസിസി ഉച്ചകോടിയില്‍ ഖത്തര്‍ അമീര്‍ പങ്കെടുക്കുമോ എന്ന ചര്‍ച്ച സജീവമായി നില നിന്നിരുന്നു. ഇതിനിടെയാണ് സൗദി ഭരണാധികാരിയുടെ ക്ഷണം ലഭിച്ചത് എന്നതും ശ്രദ്ധേയമാണ്.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: News, World, Gulf, Doha, Riyadh, Qatar, Saudi Arabia, World, Qatar Emir’s Invite to Join Gulf Summit Signals Regional Thaw