മൂടിവെച്ച സത്യങ്ങളുടെ ചുരുളഴിയുന്നു; യുവതിയുടെ പാസ്‌പോര്‍ട്ടില്‍ ഭര്‍ത്താവിന്റെ പേര് ബിനോയ് വിനോദിനി ബാലകൃഷ്ണന്‍, ഒളിവില്‍ കഴിയുന്ന ബിനോയ്‌ക്കെതിരെ ലുക്കൗട്ട് നോട്ടീസ് വൈകിയേക്കും

പരാതിക്കാരിയായ യുവതിക്കൊപ്പം ബിനോയ് കോടിയേരി താമസിച്ചിരുന്നെന്നും ഇതിന് തെളിവുകളുണ്ടെന്നും പോലീസ് നേരത്തെ വ്യക്തമാക്കിയിരുന്നു. ഹോട്ടലിലും ഫ്‌ലാറ്റിലും ഇവര്‍ ഒന്നിച്ച് താമസിച്ചിരുന്നു. ആരോപണങ്ങളെക്കുറിച്ച് അറിയില്ലെന്നും വിഷയത്തില്‍ ഒരു ഘട്ടത്തിലും ഇടപെട്ടില്ലെന്നുമുള്ള കോടിയേരി ബാലകൃഷ്ണന്റെ പരാമര്‍ശം പരാതിക്കാരിയായ യുവതി തള്ളിയിരുന്നു. തന്നെ കാണാന്‍ മുംബൈയിലേക്ക് ബിനോയിയുടെ അമ്മയും കോടിയേരിയുടെ ഭാര്യയുമായ വിനോദിനി വന്നിരുന്നുവെന്ന് യുവതി നേരത്തെ വെളിപ്പെടുത്തിയിരുന്നു.