ട്രെയിനിന്റെ മുകളില്‍ കയറി യാത്ര; ബീഹാര്‍ സ്വദേശി ചെങ്ങന്നൂരില്‍ റെയില്‍വേ പോലീസിന്റെ പിടിയില്‍

കഴിഞ്ഞദിവസം രാവിലെ വഞ്ചിനാട് എക് സ് പ്രസ് ചെങ്ങന്നൂരില്‍ നിന്നും തിരുവനന്തപുരത്തേക്ക് യാത്ര തിരിച്ചപ്പോള്‍ എഞ്ചിനു തൊട്ടുപിന്നില്‍ ഉള്ള കംപാര്‍ട്ട് മെന്റിനു മുകളില്‍ കയറി ഇയാള്‍ യാത്ര ചെയ്യുകയായിരുന്നു . മീത്തുംപടി റെയില്‍വേ ഗേറ്റിലെ കീപ്പര്‍ ഇത് കണ്ടെത്തി വിവരം ആര്‍പിഎഫിനെ അറിയിക്കുകയായിരുന്നു.


ഉടന്‍ തന്നെ ട്രെയിന്‍ അവിടെ നിര്‍ത്തുകയും ചെയ്തു. എന്നാല്‍ ട്രെയിന്‍ നിര്‍ത്തിയ സമയത്ത് ഇയാള്‍ ഇറങ്ങി ഓടുകയായിരുന്നു. ചെങ്ങന്നൂരിനും മാവേലിക്കരയ് ക്കും ഇടയ് ക്ക് പാളത്തില്‍ കല്ലുവച്ച് ട്രെയിന്‍ അപകടപ്പെടുത്താന്‍ ശ്രമിക്കുന്നു എന്ന റിപ്പോര്‍ട്ടിന്റെ അടിസ്ഥാനത്തില്‍ അവിടെ ഡ്യൂട്ടിയിലുണ്ടായിരുന്ന ആര്‍ പി എഫ് ഉദ്യോഗസ്ഥരും, കൂടാതെ ഫയര്‍ഫോഴ് സ് ഉദ്യോഗസ്ഥരും ,പോലീസും ഇയാളുടെ പുറകേ നാലഞ്ച് കിലോമീറ്റര്‍ ഓടി തഴക്കര പുഞ്ചയ് ക്ക് സമീപത്തു നിന്നും പിടികൂടുകയായിരുന്നു.

ഇതേ സമയം അപകടം ഒഴിവാക്കാന്‍ വൈദ്യുതി ബന്ധവും വിച്ഛേദിച്ചു. ഇയാള്‍ മാനസിക വിഭ്രാന്തി കാണിച്ചിരുന്നതായി ആര്‍ പി എഫ് പറഞ്ഞു. ബീഹാറില്‍ നിന്നും ജോലിക്കായാണ് ഇയാള്‍ ചെങ്ങന്നൂരിലെത്തിയത്. ചെങ്ങന്നൂര്‍ ഫസ്റ്റ് ക്ലാസ് മജിസ് ട്രേറ്റിന് മുന്‍പില്‍ ഹാജരാക്കിയ ഇയാളെ മാവേലിക്കര സബ് ജയിലിലേക്ക് റിമാന്‍ഡ് ചെയ് തു .

സ്ത്രീകള്‍ക്കും കുട്ടികള്‍ക്കും മാത്രമുള്ള പ്രത്യേക സര്‍ക്കാര്‍ ആശുപത്രി വരുന്നു; കെട്ടിടം നിര്‍മിക്കുന്നത് പുതിയ കോട്ടയില്‍