എഞ്ചിനീയറിംഗ് കോളജ് പ്രിന്‍സിപ്പലിനെ വിദ്യാര്‍ത്ഥികള്‍ വെട്ടിക്കൊന്നു

ചെന്നൈ: തമിഴ്‌നാട്ടിലെ തൂത്തുക്കുടിയില്‍ എഞ്ചിനീയറിംഗ് കോളജ് പ്രിന്‍സിപ്പലിനെ വിദ്യാര്‍ത്ഥികള്‍ വെട്ടിക്കൊലപ്പെടുത്തി. ഇന്‍ഫന്റ് ജീസസ് എന്ന എഞ്ചിനീയറിംഗ് കോളജിലെ വിദ്യാര്‍ത്ഥികളാണ് പ്രിന്‍സിപ്പല്‍ ഡോ. എല്‍.ആര്‍.ഡി സുരേഷിനെ ദാരുണമായി വെട്ടിക്കൊലപ്പെടുത്തിയത്. സംഭവവുമായി ബന്ധപ്പെട്ട് മൂന്ന് വിദ്യാര്‍ത്ഥികളെ പോലീസ് അറസ്റ്റ് ചെയ്തു.

Principal  Dr L.R.D.Suresh

കോളജിലെ ജൂനിയര്‍ വിദ്യാര്‍ത്ഥികളെ റാഗ് ചെയ്ത സംഭവത്തില്‍ പ്രസ്തുത വിദ്യാര്‍ത്ഥികളെ പ്രിന്‍സിപ്പല്‍ കോളജില്‍ നിന്നും സസ്‌പെന്‍ഡ് ചെയ്തിരുന്നു.

തങ്ങളെ സസ്‌പെന്‍ഡ് ചെയ്തതിന്റെ  പ്രതികാരമായാണ് വിദ്യാര്‍ത്ഥികള്‍ പ്രിന്‍സിപ്പലിനെ ദാരുണമായി കൊലപ്പെടുത്തിയതെന്നാണ്  പോലീസിന്റെ പ്രാഥമിക നിഗമനം. കഴിഞ്ഞ ആഴ്ച കോളജില്‍ നിന്നും സസ്‌പെന്‍ഷനായ വിദ്യാര്‍ത്ഥികള്‍ വ്യാഴാഴ്ച രാവിലെ കോളജില്‍ വരികയും, പ്രിന്‍സിപ്പലുമായി സസ്‌പെന്‍ഷന്‍ കാര്യത്തെ ചൊല്ലി വാക്കുതര്‍ക്കത്തില്‍ ഏര്‍പെടുകയും ചെയ്തു.

എന്നാല്‍ സസ്‌പെന്‍ഷന്‍ പിന്‍വലിക്കാന്‍ തയാറല്ലെന്ന പ്രിന്‍സിപ്പലിന്റെ നടപടി വിദ്യാര്‍ത്ഥികളെ പ്രകോപിതരാക്കുകയും വിദ്യാര്‍ത്ഥികള്‍ കയ്യില്‍ കരുതിയിരുന്ന മാരകായുധങ്ങള്‍ ഉപയോഗിച്ച് പ്രിന്‍സിപ്പലിനെ ദാരുണമായി കൊലപ്പെടുത്തുകയും ചെയ്തു. വ്യാഴാഴ്ച  രാവിലെ 8.30 ഓടെയാണ് സംഭവം നടന്നത്. അറസ്റ്റിലായ വിദ്യാര്‍ത്ഥികളെ പോലീസ് ചോദ്യം ചെയ്തുവരികയാണ്.

Also Read:
കന്നുകാലികളെ കടത്തുകയായിരുന്ന ലോറി തടഞ്ഞുനിര്‍ത്തി, 5 പേരെ മര്‍ദിച്ചു; ഒരാളുടെ നില ഗുരുതരം

Keywords:  Chennai, Engineering Student, Principal, Killed, Police, Arrest, Suspension, Raging, Obituary, National, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.