കെ.എം.ഷാജി എം.എല്‍.എ യുടെ ശമ്പളം പ്യൂണ്‍ കള്ള ഒപ്പിട്ട് തട്ടിയെടുത്തു

തിരുവനന്തപുരം: അഴീക്കോട് നിന്നുള്ള മുസ്ലീം ലീഗ് എം.എല്‍.എ കെ.എം ഷാജിയുടെ  രണ്ട് മാസത്തെ ശമ്പളവും ഒരു മാസത്തെ യാത്രാ ബത്തയും നിയമസഭാ ട്രഷറിയിലെ പ്യൂണ്‍ കള്ള ഒപ്പിട്ട് തട്ടിയെടുത്തു. ശമ്പളവും അലവന്‍സുമായി 69,000 രൂപയാണ് ട്രഷറിയിലെ പ്യൂണായ സി. അശോകന്‍ കള്ള ഒപ്പിട്ട് ബില്‍ മാറിയെടുത്തത്.

പണം തട്ടിയെടുത്ത കാര്യം  എം.എല്‍.എ ഷാജി തന്നെയാണ് പിടികൂടിയത്. അദ്ദേഹം നിയമസഭാ സ്പീക്കര്‍ക്ക് ഇതുസംബന്ധിച്ച് പരാതിയും  നല്‍കി. പരാതി സ്പീക്കര്‍ സര്‍ക്കാരിന് കൈമാറിയതിനെ തുടര്‍ന്ന് മ്യൂസിയം പോലീസ് അശോകനെതിരെ കേസെടുത്തു.  ഷാജിയുടെ ജൂലായ് മാസത്തെ ശമ്പളവും ആഗസ്റ്റിലെ ശമ്പളവും അലവന്‍സുമാണ് പ്യൂണ്‍ അശോകന്‍ കള്ള ഒപ്പിട്ട്  അടിച്ചുമാറ്റിയത്.

നിയമസഭയില്‍ എം.എല്‍.എ മാരുടെ വിശ്വസ്തനായ പ്യൂണായാണ്  അശോകന്‍ അറിയപ്പെടുന്നത്.  എം.എല്‍.എ മാര്‍ക്ക്  ബില്ലുകള്‍ മാറി നല്‍കാന്‍ സഹായിച്ച് അശോകന്‍ വിശ്വാസ്യത പിടിച്ചുപറ്റിയിരുന്നു.  ഇത്തരത്തിലാണ് ഷാജിയും ബില്ലുകള്‍ ഒപ്പിട്ട് നല്‍കുന്നത്.

എന്നാല്‍ പല എം.എല്‍.എ മാരും പണത്തിന്റെ കാര്യത്തില്‍ കാര്യമായ ശ്രദ്ധചെലുത്താറില്ല. അതിനാല്‍ ഇത്തരത്തില്‍ വെട്ടിപ്പ് നടന്നാലും ആരും കണ്ടെത്താറുമില്ല. പരാതിയുമുണ്ടാകാറില്ല. അതിനാല്‍ ഇതിന് മുമ്പ് പലരുടെയും ബില്‍ കള്ള ഒപ്പിട്ട് മാറിയിട്ടുണ്ടോ എന്ന കാര്യവും പോലീസ് അന്വേഷിച്ച് വരികയാണ്.

Also Read:
മത്സ്യത്തൊഴിലാളിയെ ട്രെയിന്‍തട്ടി മരിച്ച നിലയില്‍ കണ്ടെത്തി

Keywords:  Azhikode, Niyamasabha, K.M.Shaji, Thiruvananthapuram, Salary, Cheating, MLA, Police, Complaint, Muslim, Kerala,  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.