ബംഗലൂരു വ്യവസായി എം.കെ. കുരുവിള വീണ്ടും അറസ്റ്റില്‍

തൃശൂര്‍:  ബംഗലൂരു വ്യവസായി എം.കെ. കുരുവിളയെ സാമ്പത്തിക ഇടപാടുമായി ബന്ധപ്പെട്ട് തൃശൂര്‍ ഈസ്റ്റ് പോലീസ് വീണ്ടും അറസ്റ്റ് ചെയ്തു. തൃശൂര്‍ സ്വദേശികളായ രണ്ടു പേരില്‍ നിന്ന് പണം തട്ടിയെടുത്തുവെന്ന കേസില്‍ കുരുവിളയെ നേരത്തെ അറസ്റ്റു ചെയ്തിരുന്നുവെങ്കിലും ഹൈക്കോടതിയില്‍ നിന്നും ജാമ്യം ലഭിച്ചതിനാല്‍ വിട്ടയക്കുകയായിരുന്നു. എന്നാല്‍ ഹൈക്കോടതി സിംഗിള്‍ ബെഞ്ച് ഉത്തരവ് ഡിവിഷന്‍ ബെഞ്ച് റദ്ദാക്കിയതാണ് വീണ്ടും അറസ്റ്റ് ചെയ്യാനിടയാക്കിയത്.

തൃശൂര്‍ സ്വദേശി ബിനീഷ് എന്നയാളുടെ പരാതിയിലാണ് ബുധനാഴ്ച  രാത്രി വീണ്ടും കുരുവിളയെ  അറസ്റ്റു ചെയ്തത്. പാന്‍ ഏഷ്യന്‍ എന്ന സ്ഥാപനത്തിന്റെ പേരില്‍ ഒന്നര ലക്ഷം രൂപ തട്ടിയെടുത്തതായാണ് ബിനീഷിന്റെ പരാതിയിലുള്ളത്.  വഞ്ചനാകുറ്റം ചുമത്തിയാണ് കുരുവിളയെ അറസ്റ്റ് ചെയ്തത്. ഇയാളെ  വ്യാഴാഴ്ച കോടതിയില്‍ ഹാജരാക്കും.

മുമ്പ് ഡല്‍ഹിയില്‍ വെച്ച് മുഖ്യമന്ത്രിയുടെ ബന്ധുവാണെന്നും  സ്റ്റാഫംഗങ്ങളാണെന്നും പറഞ്ഞ് ചിലര്‍ പരിചയപ്പെടുത്തിയശേഷം സോളാര്‍ പാനല്‍ ഘടിപ്പിച്ചുതരാമെന്ന് വിശ്വസിപ്പിച്ച് ഒരു കോടി മുപ്പത്തി അയ്യായിരം രൂപ തട്ടിയെടുത്തു എന്ന ആരോപണം ഉന്നയിച്ചിട്ടുള്ള കുരുവിളയ്‌ക്കെതിരെ അതിനുശേഷം  നിരവധി പരാതികള്‍  രജിസ്റ്റര്‍ ചെയ്യപ്പെട്ടിരുന്നു. എന്നാല്‍ ഇതുസംബന്ധിച്ച് താന്‍ പരാതി നല്‍കിയെങ്കിലും  അന്വേഷണം നടക്കുന്നില്ലെന്നാരോപിച്ച്  കേസില്‍ ക്രൈംബ്രാഞ്ച് അന്വേഷണം ആവശ്യപ്പെട്ട് കുരുവിള ഹൈക്കോടതിയെ സമീപിച്ചിരുന്നു.

Also Read:
ജില്ലാ ജഡ്ജിയുടെ പരാതിയിലെടുത്ത കേസില്‍ 11 വര്‍ഷത്തിന് ശേഷം പ്രതി വെട്ടംസിബി അറസ്റ്റില്‍

Keywords:  Bangalore, Business Man, Arrest, Police, Thrissur, High Court of Kerala, Complaint, Chief Minister, Oommen Chandy, Accused, Crime Branch, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.