ഗുരുവായൂരില്‍ അവശരായ മാതാപിതാക്കളെ ഉപേക്ഷിക്കുന്നവര്‍ക്കെതിരെ നടപടി: കെ.എ തുളസി

തൃശ്ശൂര്‍ : ഗുരുവായൂര്‍ ക്ഷേത്രപരിസരത്ത് അവശരായ വൃദ്ധ മാതാപിതാക്കളെ ഉപേക്ഷിക്കുന്നവര്‍ക്കെതിരെ കര്‍ശന നിയമനടപടി സ്വീകരിക്കുമെന്ന് വനിതാകമ്മീഷന്‍ വ്യക്തമാക്കി. ഇതുസംബന്ധിച്ചുള്ള റിപോര്‍ട്ട് ഒരാഴ്ചക്കകം നല്‍കുമെന്നും കമ്മീഷന്‍ അറിയിച്ചു.

ക്ഷേത്ര പരിസരത്ത് ഉപേക്ഷിക്കപ്പെട്ട അനാഥരായ വൃദ്ധരുമായി കമ്മീഷന്‍ അംഗം കെ.എ തുളസി  വീട്ടുകാര്‍ ഉപേക്ഷിച്ചതു സംബന്ധിച്ചുള്ള കാര്യങ്ങള്‍ ചോദിച്ചുമനസിലാക്കി. കമ്മീഷന്‍ ഇടപെട്ട്  തൃശ്ശൂര്‍ മുക്കാട്ടുകര സ്വദേശിനിയായ വൃദ്ധയെ വീട്ടില്‍ തിരികെയെത്തിക്കാനുള്ള നടപടിയെടുക്കുകയും ചെയ്തു. വീട്ടുകാര്‍ ഇവരുടെ പേരിലുണ്ടായിരുന്ന ഏഴര സെന്റ് സ്ഥലം കൈവശപ്പെടുത്തിയതിനുശേഷം  ഇവരെ ഉപേക്ഷിക്കുകയായിരുന്നുവെന്ന്  തുളസി പറഞ്ഞു.

ഇതുപോലെ ക്ഷേത്രപരിസരത്ത് മൂന്നൂറിലധികം അഗതികളായ മാതാപിതാക്കള്‍ ഉണ്ടെന്നാണ് പ്രാഥമിക അന്വേഷണത്തില്‍ മനസിലാക്കാന്‍ കഴിഞ്ഞത്. ഇവരുടെ പുനരധിവാസത്തിനുള്ള നടപടികള്‍ എത്രയും പെട്ടെന്ന്
തന്നെ പൂര്‍ത്തിയാക്കുമെന്നും കമ്മീഷന്‍ അറിയിച്ചു.
ഗുണ്ടാ - മാഫിയാ സംഘങ്ങളെ അമര്‍ച്ചചെയ്യും: മന്ത്രി തിരുവഞ്ചൂര്‍