Accident Death | ബൈകില്‍ പാറ ഇടിച്ചുണ്ടായ അപകടത്തില്‍ യുവാവ് മരിച്ചതിന്റെ വീഡിയോ പുറത്ത്

കല്‍പറ്റ:(www.kvartha.com) ബൈകില്‍ പാറ ഇടിച്ചുണ്ടായ അപകടത്തില്‍ യുവാവ് മരിച്ചു. ബൈക് ഓടിച്ചിരുന്ന അഭിനവ് (20) ആണ് മരിച്ചത്. താമരശ്ശേരിയിലാണ് അപകടം നടന്നത്. അഭിനവും സുഹൃത്ത് അനീഷും സഞ്ചരിച്ചിരുന്ന ബൈകില്‍ മലയില്‍നിന്ന് ഉരുണ്ടുവന്ന പാറയിടിക്കുകയായിരുന്നു. പരിക്കേറ്റ അനീഷ് ചികിത്സയിലാണ്.
                  
ഏപ്രില്‍ 16 ന് മലപ്പുറം ജില്ലയില്‍ നിന്നുള്ള ഒരു സംഘം യുവാക്കള്‍ ഇരുചക്രവാഹനങ്ങളില്‍ വിനോദസഞ്ചാര കേന്ദ്രമായ വയനാട്ടിലേക്ക് പോയ സമയത്താണ് സംഭവം ഉണ്ടായത്. കല്ല് ഇടിഞ്ഞുവീണ് ബൈക് റോഡിന്റെ മറുവശത്തേക്ക് തെറിച്ചു പോയി. താമരശ്ശേരി റോഡിലെ ഹെയര്‍പിന്‍ വളവുകളിലാണ് അപകടം സംഭവിച്ചത്.

താമരശ്ശേരി ചുരത്തിൽ പാറക്കല്ല് വീണ് ബൈക്ക് യാത്രികൻ മരിച്ച സംഭവത്തിൽ ദൃശ്യങ്ങൾ പുറത്ത് #Accident #Thamarassery pic.twitter.com/VWkZNG2cbq

— News18 Kerala (@News18Kerala) April 29, 2022

ഇരുവരുടെയും പിന്നാലെ മറ്റൊരു ബൈകില്‍ യാത്ര ചെയ്ത മറ്റൊരു സുഹൃത്ത് പകര്‍ത്തിയ വീഡിയോ സമൂഹമാധ്യമങ്ങളില്‍ വൈറലായിരിക്കുകയാണ്.