CCTV video | 'ഞാൻ വനിതാ എസ്ഐ, ഭർത്താവ് നിരന്തരം പീഡിപ്പിക്കുന്നു'; ഭർത്താവ് പട്ടാപ്പകൽ മർദിക്കുന്നതിന്റെ ഞെട്ടിക്കുന്ന വീഡിയോ പങ്കിട്ട് പൊലീസ് ഉദ്യോഗസ്ഥ; ദൃശ്യങ്ങൾ വൈറൽ
'ഞാൻ ഡെൽഹി പൊലീസിൽ സബ്-ഇൻസ്‌പെക്ടറാണ്. നിലവിൽ പ്രസവാവധിയിലാണ്. എന്റെ ഭർത്താവ് അഭിഭാഷകനായ തരുൺ ദബാസിൽ നിന്ന് ഞാൻ നിരന്തരം അധിക്ഷേപം നേരിടുന്നു. ഇന്ന് അയാൾ പട്ടാപ്പകൽ എന്നെ മർദിച്ചു. ദയവായി നടപടിയെടുക്കുക', അവർ ട്വീറ്റിൽ കുറിച്ചു. 'കഴിഞ്ഞ കുറേ മാസങ്ങളായി ഞാൻ നിരന്തരം പീഡനം നേരിടുന്നു. തരുൺ ദബാസ് താൻ അഭിഭാഷകനാണെന്നും ആർക്കും തന്നെ അറസ്റ്റ് ചെയ്യാൻ കഴിയില്ലെന്നും പറയുന്നു', മറ്റൊരു ട്വീറ്റിൽ അവർ എഴുതി.
I am SUB-Inspector in Delhi Police. Presently on maternity leave. I am constantly facing abuse from my husband advocate Mr. Tarun Dabas. Today he beat me in broad daylight. Please ensure action @UN_Women @PMOIndia @HMOIndia @DCWDelhi @NCWIndia @zeenews @UNHumanRights @sharmarekha pic.twitter.com/y9BZ39Chmq
— Doli Tevathia (@TevathiaDoli) December 12, 2022
दिल्ली पुलिस की सब इंस्पेक्टर के साथ उसका पति कई महीनो से मार पीट कर रहा है पर कोई एक्शन नहीं हुआ। पुलिस ही ट्विटर पर मदद माँगने को मजबूर है!
— Swati Maliwal (@SwatiJaiHind) December 12, 2022
मैं दिल्ली पुलिस को नोटिस इशू कर रही हूँ, सख़्त कार्यवाही होनी चाहिए। पुलिस ही सुरक्षित नहीं होंगी तो आम महिला कैसे सुरक्षित होंगी? https://t.co/O0HmffkMlp
പാർക്ക് ചെയ്‌തിരിക്കുന്ന വാഹനത്തിൽ, പൊലീസ് ഉദ്യോഗസ്ഥ പോറൽ ഏൽപ്പിക്കുന്നത് വീഡിയോയിൽ കാണാം. തുടർന്ന് ഭർത്താവ് കാറിൽ നിന്ന് മർദിക്കുന്നതും വാതിൽ തുറന്നെത്തിയ മറ്റൊരു സ്ത്രീയോട് തർക്കിക്കുന്നതും ദൃശ്യങ്ങളിൽ വ്യക്തമാണ്. യുവാവ് കാർ ബോണറ്റിൽ ഇരിക്കുന്നതും പതിഞ്ഞിട്ടുണ്ട്. ദൃശ്യങ്ങൾ സോഷ്യൽ മീഡിയയിൽ വൈറലായിരിക്കുകയാണ്.
സംഭവം ശ്രദ്ധയിൽപ്പെട്ട ഡെൽഹി വനിതാ കമ്മീഷൻ അധ്യക്ഷ സ്വാതി മലിവാൾ, നടപടിയെടുക്കുമെന്ന് വ്യക്തമാക്കി. 'പൊലീസ് തന്നെ ട്വിറ്ററിൽ സഹായം തേടാൻ നിർബന്ധിതരാകുന്നു. കർശന നടപടിയെടുക്കാൻ ഞാൻ ഡെൽഹി പൊലീസിന് നോട്ടീസ് അയക്കും. പൊലീസ് തന്നെ സുരക്ഷിതമല്ലെങ്കിൽ പിന്നെ എങ്ങനെ സാധാരണ സ്ത്രീകൾ സുരക്ഷിതരാവും?' അവർ ട്വീറ്റ് ചെയ്തു.
