ഇടുക്കി: (KVARTHA) വാഗമണ്ണിലെ കോലാഹലമേട്ടിൽ സ്ഥിപിച്ചിരിക്കുന്ന ചില്ലുപാലം (ഗ്ലാസ് ബ്രിഡ്ജ്) വീണ്ടും സഞ്ചാരികൾക്കായി തുറന്നു. ചൊവ്വാഴ്ച മുതൽ പൊതുജനങ്ങൾക്ക് പാലം സന്ദർശിക്കാം. ആദ്യ ദിനം തന്നെ അറുനൂറിലധികം സഞ്ചാരികൾ പാലം കാണാൻ എത്തിയിരുന്നു.

നാൽപത് അടി നീളത്തിലും നൂറ്റിയമ്പത് അടി ഉയരത്തിലും നിർമ്മിച്ച ഈ കാന്റിലിവർ മാതൃകയിലുള്ള  പാലം, കഴിഞ്ഞ മഴക്കാലത്ത് സുരക്ഷാ കാരണങ്ങളാൽ വിനോദ സഞ്ചാര വകുപ്പ് ഡയറക്ടറുടെ നിർദേശ പ്രകാരം ജൂൺ 1 മുതൽ ഗ്ലാസ്‌ ഗ്ലാസ്‌ ബ്രിഡ് അടച്ചിട്ടിരുന്നു. കോഴിക്കോട് എൻ.ഐ.ടിയിലെ സിവിൽ എൻജിനീയറിങ് വിഭാഗം നടത്തിയ പഠനത്തിന്റെ അടിസ്ഥാനത്തിൽ നൽകിയ ഇടക്കാല റിപ്പോര്‍ട്ടിലെ ശുപാര്‍ശകള്‍ കര്‍ശനമായി പാലിക്കുന്നുവെന്ന് ഉറപ്പാക്കിയാണ് പാലം വീണ്ടും തുറന്നിരിക്കുന്നത്.

ഒരു സമയം 15 പേർക്ക് മാത്രമേ പാലത്തിൽ പ്രവേശിക്കാൻ അനുവദിക്കൂ. കനത്ത മഴയോ കാറ്റോ ഉണ്ടെങ്കിൽ പാലം അടച്ചിടും. രാവിലെ 9 മുതൽ വൈകുന്നേരം 5.30 വരെയാണ് സന്ദർശന സമയം. ഒരാൾക്ക് 250 രൂപയാണ് പ്രവേശന ഫീസ്.

#Vagamon, #glassbridge, #KeralaTourism, #reopened, #adventure, #travel