Decision | സഞ്ചാരികൾക്ക് സന്തോഷ വാർത്ത! ദക്ഷിണ കന്നഡ ജില്ലയിൽ ട്രക്കിംഗ് നിരോധനം പിൻവലിച്ചു

മംഗ്ളുറു: (KVARTHA) കുദ്രേമുഖ് ദേശീയോദ്യാനത്തിന് കീഴിലുള്ള ബെൽത്തങ്ങാടി വന്യജീവി റേഞ്ചിനുള്ളിലെ നേത്രാവതി കൊടുമുടിയിലും ദക്ഷിണ കന്നഡ ജില്ലയുടെ മറ്റ് ഭാഗങ്ങളിലും നിലനിന്നിരുന്ന ട്രക്കിംഗ് നിരോധനം ദക്ഷിണ കന്നഡ ജില്ലാ ഭരണകൂടം പിൻവലിച്ചു.

ജില്ലയിലെ മലയോര മേഖലകളിലേക്കോ കൊടുമുടികളിലേക്കോ ഉള്ള ട്രെക്കിംഗും ഹോംസ്റ്റേകളും റിസോർട്ടുകളും വനംവകുപ്പും നടത്തിവന്നിരുന്ന ട്രെക്കിംഗ് പ്രവർത്തനങ്ങളും സാഹസിക പ്രവർത്തനങ്ങളും ഇപ്പോൾ ആവശ്യമായ മുൻകരുതലുകളോടെ പുനരാരംഭിക്കാമെന്ന് ഡെപ്യൂട്ടി കമ്മീഷണർ മുല്ലൈ മുഹിലൻ എംപി അറിയിച്ചു.

കനത്ത മഴയിൽ ഉരുൾപൊട്ടലിനും ഇടിമിന്നലിനും മരം വീഴുന്നതിനും സാധ്യതയുള്ളതിനാൽ പൊതുജനങ്ങളുടെ സുരക്ഷ മുൻനിർത്തിയാണ് ട്രെക്കിംഗിനും മറ്റും നിരോധനം ഏർപ്പെടുത്തിയത്. കാർക്കളയിലെ കുദ്രേമുഖ് വന്യജീവി വിഭാഗം ഡിസിഎഫിൻ്റെ റിപ്പോർട്ടിൻ്റെ അടിസ്ഥാനത്തിലാണ് ഇപ്പോൾ നിരോധനം നീക്കിയത്.