യാത്രക്കാരെ വട്ടംകറക്കി സ്പൈസ് ജെറ്റ്; ഒന്നരമാസമായി വിമാനങ്ങൾ വൈകുന്നു, വിശദീകരണം പൂർണമായി തള്ളി സിയാൽ

കൊച്ചി: (KVARTHA) ഒന്നരമാസമായി കൊച്ചിയിൽ യാത്രക്കാരെ വലച്ച് സ്പൈസ് ജെറ്റ് വിമാനങ്ങൾ. 10 മണിക്കൂർ മുതൽ 24 മണിക്കൂർ വരെയാണ് സ്പൈസ് ജെറ്റ് വിമാനങ്ങൾ വൈകുന്നത്. യാതൊരുവിധ മുൻകൂർ അറിയിപ്പുമില്ലാതെയാണ് വിമാനങ്ങൾ വൈകുന്നതെന്ന് യാത്രക്കാർ ആരോപിക്കുന്നു. 

ഇതോടെ ടിക്കറ്റെടുത്ത നൂറുകണക്കിന് യാത്രക്കാരാണ് ദിവസേന വിമാനത്താവളത്തിൽ പെരുവഴിയിലാകുന്നത്. ജോലി ആവശ്യങ്ങൾക്കും മറ്റുമായി അടിയന്തരമായി വിദേശത്തേക്ക് പോകേണ്ടവർ പോലും കൃത്യമായ വിവരങ്ങൾ ലഭിക്കാതെ വലിയ പ്രതിസന്ധിയിലായിരിക്കുകയാണ്.

കമ്പനിയുടെ വിശദീകരണം തള്ളി സിയാൽ

മോശം കാലാവസ്ഥയാണ് ഇപ്പോഴത്തെ പ്രതിസന്ധിക്ക് കാരണമെന്നാണ് സ്പൈസ് ജെറ്റ് കമ്പനിയുടെ വിശദീകരണം. എന്നാൽ ഈ വാദം പൂർണമായും കൊച്ചിൻ ഇൻ്റർനാഷണൽ എയർപോർട്ട് ലിമിറ്റഡ് (സിയാൽ) തള്ളി. സ്പൈസ് ജെറ്റിൻ്റെ നിരുത്തരവാദപരമായ നടപടിയിൽ കടുത്ത പ്രതിഷേധത്തിലാണ് യാത്രക്കാർ. വിമാനം മണിക്കൂറുകളോളം വൈകുമ്പോൾ കാത്തിരിക്കാൻ സുരക്ഷിതമായ ഒരു സ്ഥലമെങ്കിലും കമ്പനി ഒരുക്കണമെന്നാണ് പ്രതിഷേധക്കാർ ആവശ്യപ്പെടുന്നത്.

യഥാർഥ കാരണം സാമ്പത്തിക പ്രതിസന്ധി

കാലാവസ്ഥയല്ല, മറിച്ച് സാമ്പത്തിക പ്രതിസന്ധിയും കുടിശ്ശിക ബാധ്യതകളും രൂക്ഷമായതാണ് സ്പൈസ് ജെറ്റിൻ്റെ നിലവിലെ പ്രവർത്തനങ്ങൾക്ക് വെല്ലുവിളിയാകുന്നതെന്നാണ് ലഭിക്കുന്ന വിവരം. വിവിധ വിമാനത്താവളങ്ങൾക്ക് നൽകാനുള്ള കുടിശ്ശിക കമ്പനി നൽകിയിട്ടില്ല. ഇതിനൊപ്പം ജീവനക്കാർക്ക് കൃത്യമായി ശമ്പളവും ലഭിക്കുന്നില്ലെന്ന ആരോപണവും ശക്തമാണ്. സാമ്പത്തിക പ്രതിസന്ധിയിലായതോടെയാണ് വിമാന സർവീസുകൾ താളം തെറ്റിയതെന്നാണ് വിലയിരുത്തൽ.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: For the past month and a half, SpiceJet flights in Kochi have faced severe delays of 10 to 24 hours, and while the airline blamed bad weather, CIAL rejected the claim, citing the carrier's acute financial crisis and unpaid dues as the real reasons.

#Kvartha #SpiceJet #KochiAirport #CIAL #KeralaNews #AviationNews #FlightDelays #MalayalamNews #SpiceJetCrisis #AmmuNews