ഓണയാത്രക്കാർക്ക് ആശ്വാസം; ബംഗ്ളൂരിൽ നിന്ന് കണ്ണൂരിലേക്ക് സ്പെഷ്യൽ ട്രെയിൻ, ചെന്നൈ-കൊല്ലം സർവീസിന് ശാസ്താംകോട്ടയിൽ സ്റ്റോപ്പ്

തിരുവനന്തപുരം: (KVARTHA) ഓണം പ്രമാണിച്ച് ബംഗ്ളൂരിൽ നിന്ന് കണ്ണൂരിലേക്കും തിരിച്ചും പുതിയ സ്പെഷ്യൽ ട്രെയിൻ പ്രഖ്യാപിച്ചു. 2026 വ്യാഴാഴ്ച (ഓഗസ്റ്റ് 20) രാത്രി 10.30-ന് ബംഗ്ളൂരു കന്റോൺമെൻ്റ് സ്റ്റേഷനിൽ നിന്ന് പുറപ്പെടുന്ന എക്സ്പ്രസ് സ്പെഷ്യൽ ട്രെയിൻ (06567) ഓഗസ്റ്റ് 21 വെള്ളിയാഴ്ച ഉച്ചയ്ക്ക് 12.50-ന് കണ്ണൂരിൽ എത്തിച്ചേരും. ഇതേ ട്രെയിൻ അന്ന് വൈകിട്ട് 4.10-ന് കണ്ണൂരിൽ നിന്ന് പുറപ്പെട്ട് ഓഗസ്റ്റ് 22 ശനിയാഴ്ച രാവിലെ 6 മണിക്ക് തിരികെ ബംഗ്ളൂരിൽ എത്തും.

ചെന്നൈ-കൊല്ലം ട്രെയിനിന് സ്റ്റോപ്പ്

ഓണം സീസണിൽ സർവീസ് നടത്തുന്ന ചെന്നൈ-കൊല്ലം-ചെന്നൈ (06119/06120) പ്രതിവാര സ്പെഷ്യൽ ട്രെയിനുകൾക്ക് ശാസ്താംകോട്ട റെയിൽവേ സ്റ്റേഷനിൽ സ്റ്റോപ്പ് അനുവദിച്ച് ദക്ഷിണ റെയിൽവേ ഉത്തരവായി. നേരത്തെ ട്രെയിൻ അനുവദിച്ചപ്പോൾ ശാസ്താംകോട്ടയിൽ സ്റ്റോപ്പ് ഉണ്ടായിരുന്നില്ല.

വ്യാഴാഴ്ചകളിൽ സർവീസ് നടത്തുന്ന ചെന്നൈ-കൊല്ലം സ്പെഷ്യൽ ട്രെയിൻ (06119) ശാസ്താംകോട്ടയിൽ രാവിലെ 5.08-ന് എത്തും. വെള്ളിയാഴ്ചകളിൽ തിരികെ സർവീസ് നടത്തുന്ന കൊല്ലം-ചെന്നൈ സ്പെഷ്യൽ ട്രെയിൻ (06120) ശാസ്താംകോട്ടയിൽ രാവിലെ 10.57-ന് നിർത്തും.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം 

Article Summary: Special Onam train services announced connecting Bengaluru and Kannur.

#Kvartha #OnamSpecialTrain #IndianRailways #BengaluruToKannur #ChennaiKollamTrain #KeralaNews #AmmuNews