ബംഗ്ളൂരു - കോഴിക്കോട് കെ എസ്  ആർ ടി സി സർവീസുകളിൽ അഴിച്ചുപണി; പുതിയ സമയപ്പട്ടിക പ്രകാരം ബസുകൾ സർവീസ് നടത്തും

തിരുവനന്തപുരം: (KVARTHA) ബംഗ്ളൂരിൽ നിന്ന് കേരളത്തിലേക്കുള്ള കെ.എസ്.ആർ.ടി.സി. സർവീസുകളുടെ സമയത്തിലും റൂട്ടിലും സുപ്രധാന മാറ്റങ്ങൾ വരുത്തി. ബന്ദിപ്പൂർ വനപാത വഴിയുള്ള എസി ഗരുഡ പ്രീമിയം ഉൾപ്പെടെയുള്ള കോഴിക്കോട് സർവീസുകളുടെ സമയപ്പട്ടികയാണ് പരിഷ്കരിച്ചത്.

എസി ഗരുഡ പ്രീമിയം

പുതിയ സമയപ്രകാരം എസി ഗരുഡ പ്രീമിയം ബസ് രാത്രി 8.01-ന് സാറ്റലൈറ്റ് ടെർമിനലിൽ നിന്ന് പുറപ്പെടും (പഴയ സമയം: രാത്രി 10.26). മൈസൂരു (10.51), ബത്തേരി (1.31), കൽപറ്റ (2.01), താമരശേരി (3.11) വഴി വെളുപ്പിന് 3.51-ന് കോഴിക്കോട്ടെത്തും. മടക്ക സർവീസിൽ മാറ്റമില്ല (രാവിലെ 8.25-ന് കോഴിക്കോട് നിന്ന് പുറപ്പെട്ട് വൈകിട്ട് 4.25-ന് ബംഗ്ളൂരിലെത്തും).

പുതിയ എസി സർവീസ്

ബന്ദിപ്പൂർ വഴി ബംഗ്ളൂരിൽ നിന്ന് രാത്രി 10.26-ന് കോഴിക്കോട്ടേക്ക് പുതിയൊരു എസി ബസ് സർവീസ് കൂടി ആരംഭിച്ചു. സ്വകാര്യ വാടക എസി സീറ്റർ ബസാണിത്. സാറ്റലൈറ്റിൽ നിന്ന് പുറപ്പെട്ട് മൈസൂരു (12.46), ബത്തേരി (3.06), കൽപറ്റ (3.36), താമരശേരി (4.41) വഴി പുലർച്ചെ 5.21-ന് കോഴിക്കോട്ടെത്തും.

സൂപ്പർഫാസ്റ്റ് റൂട്ട് മാറ്റം

രാത്രി 8-ന് ബംഗ്ളൂരിൽ നിന്ന് പുറപ്പെട്ടിരുന്ന ബന്ദിപ്പൂർ വഴി ഓടിയിരുന്ന കോഴിക്കോട് സൂപ്പർഫാസ്റ്റ് ബസ് ഇനി മാനന്തവാടി വഴി സർവീസ് നടത്തും. രാത്രി 9.32-ന് സാറ്റലൈറ്റിൽ നിന്ന് പുറപ്പെട്ട് മൈസൂരു (11.52), മാനന്തവാടി (3.47), കൽപറ്റ (4.42), താമരശേരി (5.47) വഴി രാവിലെ 6.27-ന് കോഴിക്കോട്ടെത്തും.

മറ്റ് പ്രധാന സർവീസുകൾ

● വൈകിട്ട് 7 മണിക്കുള്ള എസി സീറ്ററിന് പകരം ഡീലക്സ് ബസ് സർവീസ് നടത്തും (പുലർച്ചെ 4.25-ന് കോഴിക്കോട്ടെത്തും).
● രാത്രി 7.40-ന് പീനിയയിൽ നിന്ന് പുറപ്പെടുന്ന ഡീലക്സ് ബസ് മാനന്തവാടി വഴി രാവിലെ 5.45-ന് കോഴിക്കോട്ടെത്തും. രാത്രി 9.25-ലെ ശാന്തിനഗർ ഡീലക്സിന് പകരം എസി സീറ്റർ സർവീസ് ഉണ്ടാകും (രാവിലെ 7.20-ന് കോഴിക്കോട്ടെത്തും).
● രാത്രി 10.45-ന് ശാന്തിനഗറിൽ നിന്ന് പുറപ്പെടുന്ന ഡീലക്സ് ബത്തേരി വഴി രാവിലെ 9.45-ന് കോഴിക്കോട്ടെത്തും.
● രാത്രി 11.40-ന് സാറ്റലൈറ്റിൽ നിന്ന് പുറപ്പെടുന്ന എസി സീറ്റർ ബത്തേരി വഴി രാവിലെ 9.50-ന് കോഴിക്കോട്ടെത്തും.

ടിക്കറ്റ് ബുക്കിംഗിന്: onlineksrtcswift(dot)com | വാട്സ്ആപ്പ് ബുക്കിങ്: 9447071021

ഫ്ലൈ ബസ് സർവീസ് സമയത്തിലും മാറ്റം

● കോഴിക്കോട് നിന്ന് ബംഗ്ളൂരു വിമാനത്താവളത്തിലേക്കുള്ള ഫ്ലൈ ബസ് സർവീസിന്റെ സമയത്തിൽ കർണാടക ആർ.ടി.സി. മാറ്റം വരുത്തിയിട്ടുണ്ട്. പുതുക്കിയ സമയപ്രകാരം വൈകിട്ട് 5-ന് കോഴിക്കോട് കെ.എസ്.ആർ.ടി.സി. ബസ് സ്റ്റാൻഡിൽ നിന്ന് ഫ്ലൈ ബസ് പുറപ്പെടും (പഴയ സമയം: രാത്രി 7.30).
● കൽപറ്റ (7.45), മാനന്തവാടി (8.45), കുട്ട (9.30), പൊന്നംപേട്ട് (10), ഗോണിക്കൊപ്പ (10.15), ഹുൻസൂർ (11), മൈസൂരു (12.15) വഴി പുലർച്ചെ 4-ന് വിമാനത്താവളത്തിലെ ഒന്നാം ടെർമിനലിലെത്തും.
● ബംഗ്ളൂരിൽ നിന്നുള്ള മടക്ക സർവീസിൽ മാറ്റമില്ല (രാത്രി 10.40-ന് പുറപ്പെട്ട് രാവിലെ 7.15-ന് കോഴിക്കോട്ടെത്തും).

കൂടുതൽ രാജ്യാന്തര വിമാനങ്ങൾ പുറപ്പെടുന്നതും എത്തുന്നതുമായ സമയത്തിന് അനുസരിച്ചാണ് ഈ മാറ്റമെന്ന് കർണാടക ആർ.ടി.സി. കേരള മേഖല ലെയ്സൺ ഓഫീസർ ജി. പ്രശാന്ത് വ്യക്തമാക്കി.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: KSRTC revised timings and routes for Bengaluru-Kozhikode bus services.

#KSRTC #KSRTCSwift #BengaluruKozhikode #BusTimings #KeralaNews #Flybus #Kvartha #AnjanaNews