കുറച്ചു ദിവസം കൂടി കാത്തിരുന്നാല്‍ കാവസാക്കി z 250 ല്‍ ഇന്ത്യന്‍ നിരത്തുകളിലൂടെ പറക്കാം

ന്യൂഡല്‍ഹി: (www.kvartha.com 18.04.2017) കാവസാക്കി, ആ പേര് കേള്‍ക്കുന്നതു തന്നെ യുവത്വത്തിന് ഹരമാണ്. കാരണം രണ്ടു ചക്രങ്ങളില്‍ നിരത്തില്‍ തീ പാറിക്കുന്ന കരുത്തനല്ലേ അവന്‍. ഇതാ കാവസാക്കിയുടെ ഏറ്റവും പുതിയ മോഡല്‍ Z 250 എത്തുന്നു. 22 നാണ് ഇന്ത്യാപ്രവേശം. 3.25 ലക്ഷം രൂപ വില വരുമെന്നാണ് പ്രതീക്ഷിക്കുന്നത്. മുന്‍ഗാമിയേക്കാള്‍ 2017 മോഡല്‍ കൂടുതല്‍ പ്രീമിയം നിലവാരം പുലര്‍ത്തും. പഴയ Z 250 ന് 3.11 ലക്ഷം രൂപയായിരുന്നു ഡെല്‍ഹി എക്‌സ്‌ഷോറൂം വില.

പുതിയ ബോഡി നിറങ്ങള്‍ക്കൊപ്പം എബിഎസ് (ആന്റിലോക്ക് ബ്രേക്കിംഗ് സിസ്റ്റം) സ്റ്റാന്‍ഡേഡായി പുതിയ Z 250 ല്‍ ലഭിക്കും. നിലവിലെ 249 സിസി, ലിക്വിഡ് കൂള്‍ഡ്, ഫോര്‍സ്‌ട്രോക്, പാരലല്‍ ട്വിന്‍ എഞ്ചിന്‍ ഈ സബ് 500 സിസി മോട്ടോര്‍സൈക്കിളിന് 32 എച്ച്പി കരുത്തും പരമാവധി 21 എന്‍എം ടോര്‍ക്കും നല്‍കും. 6 സ്പീഡാണ് ഗിയര്‍ബോക്‌സ്.


Z 900 നോട് സാദൃശ്യം തോന്നുന്ന രൂപകല്‍പ്പനാ ശൈലിയിലാണ് Z 250 വിപണിയിലെത്തുന്നത്. ഓട്ടോമാറ്റിക് ഹെഡ്‌ലാമ്പ് ഓണ്‍ (എഎച്ച്ഒ) സവിശേഷതയും Z 250 ന് ഉണ്ടാകും. ബജാജ് ഓട്ടോയുമായുള്ള റീട്ടെയില്‍, ആഫ്റ്റര്‍ സെയില്‍സ് ബന്ധം കാവസാക്കി ഈയിടെ അവസാനിപ്പിച്ചിരുന്നു. ജാപ്പനീസ് മോട്ടോര്‍സൈക്കിള്‍ നിര്‍മ്മാതാക്കള്‍ ഇപ്പോള്‍ സ്വന്തം നിലയിലാണ് ഡീലര്‍ഷിപ്പുകള്‍ നടത്തുന്നത്. ആദ്യ ഡീലര്‍ഷിപ്പ് മുംബൈയില്‍ തുറന്നിരുന്നു.
ലോറി ഇടിക്കാതിരിക്കാന്‍ വെട്ടിക്കുന്നതിനിടെ കാര്‍ നിയന്ത്രണം വിട്ട് മരത്തിലിടിച്ച് കുഴിയിലേക്ക് മറിഞ്ഞു