Data Loss | എസ്എസ്എല്വി: 'ഉപഗ്രഹവുമായുള്ള ബന്ധം വിഛേദിക്കപ്പെട്ടതോടെ സിഗ്നലുകള്ക്കായി കാത്തിരിക്കുന്നു'; വിക്ഷേപണത്തില് ആശങ്ക നിലനില്ക്കുന്നതിനിടെ വിശദീകരണവുമായി ഐഎസ്ആര്ഒ
Aug 7, 2022, 15:26 IST
ADVERTISEMENT
ചെന്നൈ: (www.kvartha.com) എസ്എസ്എല്വി വിക്ഷേപണവുമായി ബന്ധപ്പെട്ട് ആശങ്ക നിലനില്ക്കുന്നതിനിടെ വിശദീകരണവുമായി ഐഎസ്ആര്ഒ രംഗത്ത്. എസ്എസ്എല്വി ഉപയോഗിച്ച് വിക്ഷേപിച്ച രണ്ട് ഉപഗ്രഹങ്ങളും ഭ്രമണപഥത്തില് സ്ഥാപിച്ചുവെന്നാണ് ഐഎസ്ആര്ഒ പറയുന്നത്. എന്നാല് നിശ്ചയിച്ച ഇടത്തിലും താഴെയാണ് ഈ ഉപഗ്രഹങ്ങള് സ്ഥാപിക്കാന് കഴിഞ്ഞത്. ഇതുവരെ ഉപഗ്രഹങ്ങളുമായി ബന്ധം സ്ഥാപിക്കാന് കഴിഞ്ഞില്ലെന്നും ഐഎസ്ആര്ഒ വ്യക്തമാക്കി.
മാധ്യമങ്ങളെ കണ്ട ഐഎസ്ആര്ഒ തലവന് അവസാനഘട്ടത്തിലെ പ്രശ്നം സൂചിപ്പിച്ചു. എസ്എസ്എല്വിയുടെ എല്ലാ ഘട്ടങ്ങളും പ്രതീക്ഷിച്ച പോലെ തന്നെ നിര്വഹിച്ചുവെങ്കിലും ദൗത്യത്തിന്റെ ടെര്മിനല് ഘട്ടത്തില് ഡാറ്റ നഷ്ടപ്പെട്ടുവെന്ന് ഐഎസ്ആര്ഒ മേധാവി സോമനാഥ് പറഞ്ഞു. ഞങ്ങള് ഡാറ്റ വിശകലനം ചെയ്യുകയാണ്, ഉപഗ്രഹങ്ങളുടെ നിലയെക്കുറിച്ചും പ്രകടനത്തെക്കുറിച്ചുമുള്ള വിവരങ്ങള് പിന്നീട് പങ്കുവയ്ക്കാം എന്നാണ് ഐഎസ്ആര്ഒ മേധാവി അറിയിച്ചത്.
അവസാനം മൂന്ന് മണിക്കൂര് കഴിഞ്ഞ് ഇസ്രൊയുടെ ഔദ്യോഗിക വാര്ത്താക്കുറിപ്പ് വന്നു. ഉദ്ദേശിച്ചതിലും താഴ്ന്ന ഭ്രമണപഥത്തിലാണ് ഉപഗ്രഹങ്ങള് സ്ഥാപിച്ചത്. നിലവില് അവ അവിടെ സുരക്ഷിതമല്ല. ദൗത്യം പരാജയമല്ല, പക്ഷേ ഇത് പ്രതീക്ഷിച്ച വിജയവുമല്ല. എസ്എസ്എല്വിക്ക് മുന്നില് ഇനിയും കടമ്പകള് ബാക്കിയാണെന്ന് അദ്ദേഹം വാര്ത്താക്കുറിപ്പില് പറഞ്ഞു.
രാവിലെ 9.18ന് ആണ് റോകറ്റ് ശ്രീഹരിക്കോട്ടയില്നിന്ന് വിക്ഷേപിച്ചത്. എര്ത് ഒബ്സര്വേഷന് സാറ്റലൈറ്റ് (ഇഒഎസ്02), ആസാദിസാറ്റ് എന്നീ ഉപഗ്രഹങ്ങളെ വഹിച്ചുകൊണ്ടാണ് എസ്എസ്എല്വി കുതിച്ചത്. സ്പേസ്കിഡ്സ് ഇന്ഡ്യ എന്ന സ്റ്റാര്ടപിന്റെ നേതൃത്വത്തില് ഇന്ഡ്യയില് ഗ്രാമീണമേഖലയില് നിന്നുള്ള 750 വിദ്യാര്ഥിനികള് വികസിപ്പിച്ചതാണ് ആസാദിസാറ്റ്. രാജ്യത്തിനകത്തും പുറത്തുമുള്ള ഉപയോക്താക്കള്ക്ക് ഭാവിയിലും എസ്എസ്എല്വി സേവനം ഉപയോഗിക്കാവുന്ന തരത്തിലാണ് പദ്ധതി രൂപകല്പന ചെയ്തിട്ടുള്ളത്.
SSLV-D1/EOS-02 Mission: Maiden flight of SSLV is completed. All stages performed as expected. Data loss is observed during the terminal stage. It is being analysed. Will be updated soon.
— ISRO (@isro) August 7, 2022
Keywords: News,National,India,chennai,Technology, SSLV suffers 'data loss' at terminal stage: ISRO chairman Somanath
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
