വാഷിംഗ്ടൺ: (KVARTHA) അന്താരാഷ്ട്ര ബഹിരാകാശ നിലയത്തിലേക്ക് (ISS) നാസയുടെ സ്പേസ് എക്സ് ക്രൂ-10 ദൗത്യം വിജയകരമായി എത്തിച്ചേർന്നു. പുതിയ യാത്രികരെ വരവേറ്റ്, മാസങ്ങളായി കാത്തിരിക്കുന്ന നാസയുടെ ബഹിരാകാശ യാത്രികരായ സുനിത വില്യംസിനും ബുച്ച് വിൽമോറിനും ഭൂമിയിലേക്ക് മടങ്ങാനുള്ള വഴിയൊരുങ്ങി. 

നാസയുടെ ബഹിരാകാശ സഞ്ചാരികളായ ആൻ മക്ക‌യിൻ, നിക്കോളെ അയേഴ്‌സ്, ജപ്പാൻ്റെ ടകുയു ഒനിഷി, റഷ്യയുടെ കിരിൽ പെസ്കോവ് എന്നിവരാണ് പുതിയ സംഘത്തിലെ അംഗങ്ങൾ. ഫ്ലോറിഡയിലെ കെന്നഡി സ്പേസ് സെൻ്ററിൽ നിന്ന് സ്പേസ് എക്സ് ഫാൽക്കൺ 9 റോക്കറ്റിലാണ് ഇവർ യാത്ര തിരിച്ചത്.  അമേരിക്കൻ പ്രാദേശിക സമയം വെള്ളിയാഴ്‌ച രാത്രി 7.03-ഓടെയാണ് നാസയുടെ ഫ്ളോറിഡ കെന്നഡി സ്പേസ് സെന്ററിലെ 39എ വിക്ഷേപണത്തറയിൽനിന്ന് സ്പേസ്എക്‌സ് ഫാൽക്കൺ-9 റോക്കറ്റ്  കുതിച്ചുയർന്നത്. 

VIDEO | Crew-10 team - which includes NASA's Anne McClain and Nichole Ayers, Japan Aerospace Exploration Agency's Takuya Onishi and Roscosmos cosmonaut Kirill Peskov - arrives at International Space Station. The Crew-10 team will replace astronauts Sunita Williams and Barry… pic.twitter.com/sHr0FXmZIA

— Press Trust of India (@PTI_News) March 16, 2025

യാത്ര തുടങ്ങി ഏകദേശം 26 മണിക്കൂറിന് ശേഷം, ഇന്ത്യൻ സമയം ഞായറാഴ്‌ച രാവിലെ 9.30-ഓടെ ക്രൂ ഡ്രാഗൺ പേടകത്തിൻ്റെ ഡോക്കിങ് വിജയകരമായി പൂർത്തിയായി. ക്രൂ ഡ്രാഗണെ ബഹിരാകാശ നിലയവുമായി കൃത്യതയോടെ ഘടിപ്പിക്കുന്നതിനെയാണ് ഡോക്കിങ് എന്ന് പറയുന്നത്. പുതിയ യാത്രികരെ ബഹിരാകാശ നിലയത്തിലെ മറ്റ് യാത്രികർ സന്തോഷത്തോടെ വരവേറ്റു.

Watch the @SpaceX #Crew10 members enter the space station and join the Exp 72 crew for a long-duration space research mission. https://t.co/WHpxBz51Ts https://t.co/WHpxBz51Ts

— International Space Station (@Space_Station) March 16, 2025

കഴിഞ്ഞ ജൂൺ മുതൽ ബഹിരാകാശ നിലയത്തിൽ കുടുങ്ങിക്കിടക്കുന്ന നാസയുടെ ബഹിരാകാശ യാത്രികരായ സുനിത വില്യംസിനെയും ബുച്ച് വിൽമോറിനെയും സുരക്ഷിതമായി ഭൂമിയിലേക്ക് തിരികെ എത്തിക്കുക എന്നതാണ് ഈ ദൗത്യത്തിൻ്റെ പ്രധാന ലക്ഷ്യം. പുതിയ യാത്രിക സംഘം എത്തിയതോടെ, സുനിത വില്യംസിനും ബുച്ച് വിൽമോറിനും ഈ മാസം 19-ന് ഭൂമിയിലേക്ക് മടങ്ങാൻ സാധിക്കും. മാസങ്ങളായുള്ള അവരുടെ കാത്തിരിപ്പിന് ഇതോടെ വിരാമമാകും.

കഴിഞ്ഞ ജൂണിലാണ് സുനിത വില്യംസും ബുച്ച് വിൽമറും ബോയിങ്ങിന്റെ സ്റ്റാർലൈനർ പേടകത്തിൽ അന്താരാഷ്ട്ര ബഹിരാകാശ നിലയത്തിലെത്തിയത്. എന്നാൽ, സാങ്കേതിക തകരാറിനെത്തുടർന്ന് ഇരുവരുമില്ലാതെ സ്റ്റാർലൈനർ ഭൂമിയിലേക്ക് തിരികെ പോവുകയായിരുന്നു. തുടർന്ന് സുനിതയെയും ബുച്ചിനെയും ഭൂമിയിലെത്തിക്കാൻ സ്പേസ് എക്‌സിൻ്റെ ക്രൂ10 ദൗത്യത്തെ ആശ്രയിക്കാൻ നാസ തീരുമാനിക്കുകയായിരുന്നു. ഈ ദൗത്യം വിജയകരമായതോടെ, സുനിതയുടെയും ബുച്ചിൻ്റെയും മടക്കയാത്ര ഉടൻ യാഥാർത്ഥ്യമാകും.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

SpaceX Crew-10 successfully docked with the ISS, bringing new astronauts and preparing to send Sunita Williams and Butch Wilmore back to Earth.

#SpaceX, #Crew10, #ISS, #NASA, #SunitaWilliams, #ButchWilmore