വൺഇന്ത്യയുടെ പുതിയ എഐ ടൂൾ; പത്രങ്ങൾക്ക് ഇനി വേഗത്തിൽ വാർത്ത നൽകാം

മുംബൈ: (KVARTHA) പല ഭാഷകളിൽ വാർത്തകൾ നൽകുന്ന വൺഇന്ത്യ എന്ന ഡിജിറ്റൽ സ്ഥാപനം, വാർത്താ മാധ്യമങ്ങൾക്കായി ഒരു പുതിയ നിർമ്മിത ബുദ്ധി പ്ലാറ്റ്‌ഫോം അവതരിപ്പിച്ചു. വൈസ് ('WISE') എന്നാണ് ഈ പ്ലാറ്റ്‌ഫോമിൻ്റെ പേര്. നിരവധി പ്രമുഖ വാർത്താ പ്രസാധകരുമായി ‘വൈസ്’ ഇപ്പോൾ ധാരണയായിട്ടുണ്ട്.

വാർത്ത തായ്യാർ ചെയ്യാൻ ‘വൈസ്’ 

വൺഇന്ത്യയുടെ സ്വന്തം ന്യൂസ് റൂമിൽ നിന്നാണ് ഈ സോഫ്റ്റ്‌വെയർ നിർമ്മിച്ചത്. വാർത്തകൾ തായ്യാറാക്കുന്നതും അത് പലരൂപത്തിൽ കൈകാര്യം ചെയ്യുന്നതും വേഗത്തിലാക്കാൻ ഇത് ലേഖകന്മാരെയും എഡിറ്റർമാരെയും സഹായിക്കും.

വാർത്താ നിർമ്മാണത്തിൽ ഓട്ടോമേഷൻ, പല ഭാഷകളിലെ വിവരങ്ങളെ മനസ്സിലാക്കാനുള്ള കഴിവ്, ഒപ്പം മനുഷ്യൻ്റെ മേൽനോട്ടം എന്നിവ ഇതിൽ ഉണ്ട്. അതുകൊണ്ട് തന്നെ നല്ലതും വേഗമേറിയതുമായ വാർത്തകൾ കൈകര്യം ചെയ്യുന്നതിന് ഇത് ഉപകാരപ്പെടും.

ഒരു വാർത്തയുടെ ആശയം മനസ്സിൽ വരുമ്പോൾ മുതൽ അത് പ്രസിദ്ധീകരിക്കുന്നത് വരെ എഡിറ്റോറിയൽ ടീമിന് കുറഞ്ഞ സമയം കൊണ്ട് എല്ലാം പൂർത്തിയാക്കാൻ ‘വൈസ്’ സഹായിക്കുന്നു. ഭാഷ, സന്ദർഭം, സംസ്കാരം എന്നിവയെല്ലാം മനസ്സിലാക്കിയാണ് എ.ഐ. ഇവിടെ പ്രവർത്തിക്കുന്നത്.

എല്ലാ കാര്യങ്ങളും ഓട്ടോമാറ്റിക്

വാർത്താ ഉള്ളടക്കം കൈകാര്യം ചെയ്യുന്ന നിലവിലെ സിസ്റ്റങ്ങളുമായും പരസ്യ സംവിധാനങ്ങളുമായും ‘വൈസ്’ എളുപ്പത്തിൽ ബന്ധിപ്പിക്കാൻ സാധിക്കും.

● വാർത്തകളിൽ തിരയേണ്ട കീവേഡുകൾ കണ്ടെത്താനും,

● ഗൂഗിളിൽ വേഗം കിട്ടാനായി എസ്.ഇ.ഒ. മെച്ചപ്പെടുത്താനും

● വാർത്തകൾ എഴുതാനും,

● അതുമായി ബന്ധപ്പെട്ട ചിത്രങ്ങൾ ഉണ്ടാക്കാനും,

● വീഡിയോ സ്ക്രിപ്റ്റുകൾ എഴുതാനും

‘വൈസ്’-ന് കഴിയും. ഇങ്ങനെ എല്ലാ കാര്യങ്ങളും ഓട്ടോമാറ്റിക് ആയി നടക്കും. 133 ഭാഷകളിൽ പ്രവർത്തിക്കാൻ കഴിവുള്ളതിനാൽ, പ്രാദേശിക പ്രേക്ഷകർക്കായി കൃത്യതയോടെ ഉള്ളടക്കം മാറ്റിയെടുക്കാനും ഇത് സഹായിക്കുന്നു.

എഡിറ്റർമാർ നേരിടുന്ന പ്രശ്‌നങ്ങൾക്ക് പരിഹാരം

'ഇത് ഉണ്ടാക്കിയത് വെറും ഒരു ബിസിനസ് മീറ്റിംഗിൽ നിന്നല്ല, മറിച്ച് ഒരു ന്യൂസ് റൂമിലെ ബുദ്ധിമുട്ടുകൾ കണ്ടറിഞ്ഞാണ്. എഡിറ്റർമാരും എഴുത്തുകാരും ദിവസവും നേരിടുന്ന പ്രശ്നങ്ങൾ പരിഹരിക്കാൻ വേണ്ടിയാണ് ഞങ്ങൾ ഇത് നിർമ്മിച്ചത്.' വൺഇന്ത്യയുടെ ചീഫ് ടെക്നോളജി ഓഫീസറും ‘വൈസ്’-ൻ്റെ സ്രഷ്ടാവുമായ ടോണി തോമസ് പറഞ്ഞു

'ഒരു യഥാർത്ഥ സഹപ്രവർത്തകനെപ്പോലെ പ്രവർത്തിച്ച്, വേഗത്തിലും കൃത്യതയോടെയും അർത്ഥവത്തായതുമായ വാർത്തകൾ ഉണ്ടാക്കാൻ വൈസ്’ പ്രസാധകരെ സഹായിക്കുന്നു. ആധികാരികത നഷ്ടപ്പെടാതെ എ.ഐ.യുടെ ശക്തി ഉപയോഗിച്ച് പ്രസിദ്ധീകരണത്തിൻ്റെ ഭാവി മെച്ചപ്പെടുത്തുകയാണ് ഞങ്ങളുടെ ലക്ഷ്യം,' അദ്ദേഹം വ്യക്തമാക്കി.

‘വൈസ്’ ഉപയോഗിക്കുന്നതിലെ നല്ല അനുഭവം നിരവധി ഉപയോക്താക്കളും പങ്കുവെച്ചു. 'ഈ പ്ലാറ്റ്‌ഫോം ഞങ്ങളുടെ നിർദ്ദേശങ്ങൾ കൃത്യമായി മനസ്സിലാക്കുന്നു. ഉയർന്ന നിലവാരമുള്ള ലേഖനങ്ങളും ചിത്രങ്ങളും ഇത് നൽകുന്നു. ജോലി എളുപ്പമാക്കാനും കൂടുതൽ കാര്യങ്ങൾ വേഗത്തിൽ ചെയ്യാനും ലക്ഷ്യമിടുന്ന ഏത് സ്ഥാപനത്തിനും ഇത് വളരെ വിലപ്പെട്ട ഒരു ടൂളാണ്,' ഒരു ഉപയോക്താവ് അഭിപ്രായപ്പെട്ടു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ കമൻ്റ് ചെയ്യുക. നിങ്ങളുടെ സുഹൃത്തുക്കളിലേക്ക് എത്തിക്കാൻ ഷെയർ ചെയ്യൂ. 

Article Summary: Oneindia launches WISE, an AI platform for media, developed in-house to automate content creation in 133 languages, ensuring speed and human oversight.

#Oneindia #AI #WISE #MediaTech #NewsAutomation #DigitalMedia