(KVARTHA) ഇന്ത്യൻ വിപണിയിൽ ഏറ്റവും കൂടുതൽ റേഞ്ച് വാഗ്ദാനം ചെയ്യുന്ന ഇലക്ട്രിക് സ്കൂട്ടറുകളുമായി സിംപിൾ എനർജി വീണ്ടും എത്തിയിരിക്കുകയാണ്. സിംപിൾ വൺ, സിംപിൾ വൺ ഡോട്ട് എന്നിങ്ങനെ രണ്ട് മോഡലുകളാണ് ഇപ്പോൾ പുറത്തിറക്കിയിരിക്കുന്നത്. സിംപിൾ വൺ മോഡലിന് 1.66 ലക്ഷം രൂപയും, സിംപിൾ വൺ ഡോട്ട് മോഡലിന് 1.46 ലക്ഷം രൂപയുമാണ് വില.

റേഞ്ചും പ്രകടനവും

പുതിയ സിംപിൾ വൺ ജെൻ 1.5 മോഡലിന്റെ ഏറ്റവും വലിയ പ്രത്യേകത അതിന്റെ റേഞ്ചാണ്. ഒറ്റ ചാർജിൽ 248 കിലോമീറ്റർ വരെ സഞ്ചരിക്കാൻ ഇതിന് സാധിക്കുമെന്ന് കമ്പനി പറയുന്നു. മുൻപ് 212 കിലോമീറ്റർ ആയിരുന്നു ഇതിന്റെ റേഞ്ച്. സിംപിൾ വൺ ഡോട്ട് ജെൻ 1.5 മോഡലിന്റെ റേഞ്ച് 181 കിലോമീറ്ററായി ഉയർത്തിയിട്ടുണ്ട്. മുൻപ് ഇത് 151 കിലോമീറ്റർ ആയിരുന്നു.

ബംഗളൂരു ആസ്ഥാനമായി പ്രവർത്തിക്കുന്ന സിംപിൾ എനർജി 2023 ലാണ് ഈ സ്കൂട്ടറുകൾ ആദ്യമായി പുറത്തിറക്കിയത്. ആദ്യ മോഡലുകളുടെ അപ്ഡേറ്റഡ് വേരിയന്റാണ് ഇപ്പോൾ എത്തിയിരിക്കുന്ന ജെൻ 1.5.

ഫീച്ചറുകൾ

നിരവധി ഫീച്ചറുകളുമായാണ് ജെൻ 1.5 പുറത്തിറങ്ങിയിരിക്കുന്നത്. ഒന്നിൽ കൂടുതൽ സോഫ്റ്റ്‌വെയർ അപ്ഡേഷനുകൾ, നാവിഗേഷൻ, അപ്ഡേറ്റ് ചെയ്ത ഡ്രൈവ് മോഡുകൾ, പാർക്ക് അസിസ്റ്റന്റ്, ഫൈൻഡ് മൈ വെഹിക്കിൾ, റീജെൻ ബ്രേക്കിങ്, ട്രിപ് ഹിസ്റ്ററി, ടയർ പ്രഷർ മോണിറ്ററിങ് സിസ്റ്റം, യുഎസ്ബി ചാർജിങ് പോർട്ട്, വലിയ അണ്ടർ സ്റ്റോറേജ് എന്നിവയെല്ലാം ഇതിൽ ഉണ്ട്. ജെൻ 1 ഉടമകൾക്ക് സോഫ്റ്റ്‌വെയർ അപ്ഡേറ്റ് ചെയ്യാനുള്ള സൗകര്യവും കമ്പനി നൽകിയിട്ടുണ്ട്.

ബാറ്ററി

വൺ ജെൻ 1.5 ൽ ഫ്ലോറിൽ ഉറപ്പിച്ച 3.7 കിലോ വാട്സ്  ബാറ്ററിയും 1.3 കിലോ വാട്സ് പോർട്ടബിൾ ബാറ്ററിയുമുണ്ട്. 11.4 ബിഎച്ച്പി പവറും 72 എൻഎം ടോർക്കും ഉത്പാദിപ്പിക്കുന്ന ഇലക്ട്രിക് മോട്ടറാണ് ഇതിൽ ഉപയോഗിച്ചിരിക്കുന്നത്. ഉയർന്ന വേഗത 105 കിലോമീറ്ററാണ്. വൺ ഡോട്ട് ജെൻ 1.5 ൽ 3.7 കിലോ വാട്സ് ബാറ്ററി മാത്രമാണുള്ളത്. 11.4 ബിഎച്ച്പി പവറും 72 എൻഎം ടോർക്കും ഉത്പാദിപ്പിക്കുന്ന മോട്ടറാണ് ഈ സ്കൂട്ടറിലുമുള്ളത്.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക  

Simple Energy launched electric scooters with the highest mileage offering in India. The Simple One models come with up to 248 km range and impressive features.

#SimpleEnergy #ElectricScooter #IndiaNews #ElectricVehicle #GreenMobility #SustainableTransport