കാറിൽ സിഎൻജി കിറ്റ് ഘടിപ്പിക്കാൻ ആഗ്രഹിക്കുന്നോ? എങ്കിൽ ഈ കാര്യങ്ങൾ മനസിൽ വെക്കുക; അല്ലെങ്കിൽ വലിയ നഷ്ടം സംഭവിച്ചേക്കും

  


പല വൻകിട കാർ കംപനികളും സിഎൻജി കിറ്റുകൾ ഘടിപ്പിച്ച് പുറത്തിറക്കുന്നുണ്ട്. പെട്രോൾ കാറുകളുടെ വിലയേക്കാൾ കൂടുതലാണ് ഈ കാറുകളുടെ വില. അതേ സമയം മിക്ക ആളുകളും ഇപ്പോൾ തങ്ങളുടെ പഴയ കാറിലും സിഎൻജി, എൽപിജി കിറ്റ് എന്നിവ സ്ഥാപിക്കാനുള്ള ഓപ്ഷനാണ് നോക്കുന്നത്. വാഹനത്തിൽ സിഎൻജി ഘടിപ്പിക്കാൻ ആഗ്രഹിക്കുന്നുവെങ്കിൽ, ശ്രദ്ധിക്കേണ്ട ചില പ്രധാന കാര്യങ്ങളുണ്ട്. അത് അവഗണിക്കുന്നത് നിങ്ങൾക്ക് വലിയ നഷ്ടം ഉണ്ടാക്കും.

1. കാറിൽ സിഎൻജി കിറ്റ് ഇൻസ്റ്റാൾ ചെയ്യുന്നതിന് മുമ്പ്, വാഹനം അതിനെ സപോർട് ചെയ്യുമോ ഇല്ലയോ എന്ന് നന്നായി പരിശോധിക്കേണ്ടതാണ്. അങ്ങനെ ചെയ്യാതെ കാറിൽ കിറ്റ് ഇൻസ്റ്റാൾ ചെയ്യുകയും കാർ പിന്തുണയ്ക്കാതിരിക്കുകയും ചെയ്താൽ, കാറിൽ നിരവധി പ്രശ്നങ്ങൾ വന്നേക്കാം, അത് നിങ്ങൾക്ക് വലിയ സാമ്പത്തിക നഷ്ടം ഉണ്ടാക്കും.

2. കുറച്ച് രൂപ ലാഭിക്കാനുള്ള അത്യാഗ്രഹത്തിൽ അനധികൃത കേന്ദ്രങ്ങളിൽ നിന്നും കടകളിൽ നിന്നും പലപ്പോഴും ആളുകൾ അവരുടെ കാറിൽ സിഎൻജി കിറ്റ് സ്ഥാപിക്കുന്നു. അതുമൂലം കാറിനും അതിലെ യാത്രക്കാർക്കും അപകടം സംഭവിച്ചേക്കാം. ഗുണനിലവാരം കുറഞ്ഞ സിഎൻജി കിറ്റ് മൈലേജ് കുറയ്ക്കുക മാത്രമല്ല, കാറിന്റെ എൻജിൻ നശിപ്പിക്കുകയും ചെയ്യും. അതിനാൽ നല്ല കംപനിയിൽ നിന്നോ അംഗീകൃത സെന്ററിൽ നിന്നോ കിറ്റ് ഇൻസ്റ്റാൾ ചെയ്യുക.

4. കംപനിക്ക് പകരം സ്വന്തം നിലയിൽ കാറിൽ കിറ്റ് ഇൻസ്റ്റാൾ ചെയ്യുകയാണെങ്കിൽ, എൻജിന്റെ കംപനി വാറന്റി അവസാനിക്കും. അതിനാൽ, കാറിൽ കിറ്റ് ഇൻസ്റ്റാൾ ചെയ്യാൻ കംപനിയിൽ തന്നെ ശ്രമിക്കുക അല്ലെങ്കിൽ വാറന്റി അവസാനിച്ചതിന് ശേഷം മാത്രം ഇൻസ്റ്റാൾ ചെയ്യുക.

5. അപകടമുണ്ടായാൽ അല്ലെങ്കിൽ സിഎൻജി കിറ്റ് ശരിയായി ഘടിപ്പിച്ചില്ലെങ്കിൽ സിഎൻജി ചോർന്നേക്കാം. അതിനാൽ, അപകട സാധ്യത ഇല്ലാത്ത തരത്തിൽ മൈലേജ് വേഗതയിൽ മാത്രം വാഹനം ഓടിക്കുക, കൂടാതെ കാറിൽ സ്ഥാപിച്ചിരിക്കുന്ന കിറ്റ് കൃത്യമായി ഘടിപ്പിച്ചിട്ടുണ്ടോ എന്ന് പരിശോധിക്കുക. < !- START disable copy paste -->