Guruvayur E-Bhandaram | ഇ-ഭണ്ഡാരം: ഗുരുവായൂരില് ഇനി ഭക്തര്ക്ക് കാണിക്ക നല്കാന് ക്യു ആര് കോഡ് സ്കാന് ചെയ്താല് മതി
Sep 18, 2022, 08:46 IST
ADVERTISEMENT
ഗുരുവായൂര്: (www.kvartha.com) ഗുരുവായൂര് ക്ഷേത്രത്തിലെത്തുന്ന ഇനി ഭക്തര്ക്ക് കാണിക്ക അര്പിക്കാനായി ഇ-ഭണ്ഡാരം സ്ഥാപിച്ചു. കാണിക്ക നല്കാന് ഭക്തര് ക്യു ആര് കോഡ് സ്കാന് ചെയ്താല് മതിയാകും. ഹുണ്ടികകളില് ക്യു ആര് കോഡ് സ്കാന് ചെയ്താല് ഭഗവാന് കാണിക്ക സമര്പിക്കാന് സാധിക്കും.
ഇത്തരത്തില് രണ്ട് ഹുണ്ടികകളാണ് കിഴക്കേ നടയില് സ്ഥാപിച്ചിരിക്കുന്നത്. ദേവസ്വം ബോര്ഡ് ചെയര്മാന് ഡോ. വി കെ വിജയനാണ് ഹുണ്ടികയുടെ ഉദ്ഘാടനം നിര്വഹിച്ചത്. എസ്ബിഐയുടെ സഹായത്തോടെയാണ് ദേവസ്വം പദ്ധതി നടപ്പാക്കിയത്.
മറ്റെല്ലാ മേഖലകളിലും ഡിജിറ്റലൈസേഷനും കംപ്യൂടറൈസേഷനും നടന്നു. കാലത്തിനനുസരിച്ച് ഗുരുവായൂര് ദേവസ്വം മാറുകയാണ്. സാധാരണ ഭണ്ഡാരം പോലെ തന്നെയാണ് ഈ ഭണ്ഡാരവും കണക്കാക്കുകയെന്ന് ദേവസ്വം ബോര്ഡ് ചെയര്മാന് ഡോ. വി കെ വിജയന് അറിയിച്ചു.
സ്മാര്ട് ഫോണ് കൈവശമുള്ള ഭക്തര്ക്ക് ക്യൂ ആര് കോഡ് സ്കാന് ചെയ്ത് കാണിക്ക സമര്പിക്കാം. യു പി ഐ പേമെന്റ് സംവിധാനം ഉപയോഗിച്ച് ഗൂഗിള് പേ, പേ ടൈം, ഭീം പേ ഉള്പെടെ ഏത് മാര്ഗം വഴിയും ക്യൂആര് കോഡ് സ്കാന് ചെയ്ത് കാണിക്കയര്പിക്കാം.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
