സൂര്യനില് നിന്ന് ഭൂമിയുടെ നേര്ക്ക് പ്ലാസ്മാ പ്രവാഹം; ഏപ്രില് 14ന് പതിക്കുമെന്ന് റിപോര്ട്
Apr 13, 2022, 15:00 IST
ADVERTISEMENT
ന്യൂഡെല്ഹി: (www.kvartha.com 13.04.2022) സൂര്യനില് നിന്ന് ഭൂമിയുടെ നേര്ക്ക് പ്ലാസ്മാ പ്രവാഹം. ഏപ്രില് 14 ഓടെ ഇത് ഭൂമിയില് പതിക്കുമെന്ന് റിപോര്ട്.
ഏപ്രില് 11നാണ് AR2987 പൊട്ടിത്തെറിച്ച് സി-ക്ലാസ് സോളാര് ഫ്ളെയര് (വലിയ അളവിലുള്ള റേഡിയേഷന്) പുറത്തുവിട്ട് തുടങ്ങിയത്. സി-ക്ലാസ് ഫ്ളെയറുകള് സംഭവിക്കുന്നത് സാധാരണമാണ്. ഇത് ഭൂമിയില് പ്രത്യാഘാതങ്ങള് ഉണ്ടാക്കാറില്ല. എന്നാല് ഏപ്രില് 11 ലെ പ്രതിഭാസ് കൊറേണല് മാസ് ഇജക്ഷന് (സിഎംഇ ) വഴിവച്ചിട്ടുണ്ട്.
ഈ സിഎംഇ ഭൂമിയുടെ കാന്തിക വലയത്തില് പതിക്കുമ്പോള് ചാര്ജ്ഡ് പാര്ടികിള്സ് നോര്ത്, സൗത് പോളുകളിലെ കാന്തിക വലയവുമായി സമ്പര്കത്തില് വരികയും തുടര്ന്ന് ഫോടോണിന്റെ രൂപത്തില് ഊര്ജം പുറംതള്ളുകയും, ഇത് അറോറ എന്ന പ്രതിഭാസത്തിന് (നോര്തേന്, സതേന് ലൈറ്റ്സ്) കാരണമാവുകയും ചെയ്യുന്നു.
തിങ്കളാഴ്ച മുതല് സൂര്യനില് നിന്ന് പുറംതള്ളപ്പെടുന്ന സിഎംഇ ചെറിയ രീതിയില് ജിയോമാഗ്നറ്റിക് സ്റ്റോമിന് വഴിവയ്ക്കുകയും ഇത് സാറ്റലൈറ്റ് പ്രവര്ത്തനത്തെ ചെറിയ രീതിയില് തടസപ്പെടുത്തുകയും ചെയ്തേക്കാമെന്ന് ശാസ്ത്രജ്ഞര് വിലയിരുത്തുന്നു.
സൂര്യന്റെ പ്രോടോസ്ഫിയറിലുള്ള AR2987 എന്ന സണ് സ്പോടാണ് നിലവില് പൊട്ടിത്തെറിച്ച് പ്ലാസ്മകള് പുറംതള്ളുന്നത്. സൂര്യനിലെ കറുത്ത ഭാഗങ്ങളാണ് സണ്സ്പോടുകള്. ഇവയ്ക്ക് ആയുസ് കുറവായിരിക്കും. സണ്സ്പോടിന് മുകളിലുള്ള പ്ലാസ്മയും കാന്തിക വലയങ്ങളും തകരുമ്പോഴാണ് വലിയ അളവില് റേഡിയേഷന് ഉണ്ടാകുന്നത്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
