ഫേസ്ബുക്ക് പണിമുടക്കി; സാങ്കേതിക തകരാറിനെ തുടർന്ന് അക്കൗണ്ടുകൾ താൽക്കാലികമായി ലഭ്യമല്ലെന്ന് മുന്നറിയിപ്പ്

ന്യൂഡെൽഹി: (KVARTHA) പ്രമുഖ സാമൂഹിക മാധ്യമമായ ഫേസ്ബുക്കിൻ്റെ സേവനങ്ങൾ തടസ്സപ്പെട്ടു. മെറ്റയുടെ കീഴിലുള്ള സൈറ്റിൽ സാങ്കേതിക തകരാർ അനുഭവപ്പെട്ടതിനെ തുടർന്നാണ് വെബ് ഉപയോക്താക്കൾക്ക് അക്കൗണ്ടുകളിൽ പ്രവേശിക്കാൻ കഴിയാത്ത സാഹചര്യമുണ്ടായത്. ഫേസ്ബുക്ക് അക്കൗണ്ടുകൾ താൽക്കാലികമായി ലഭ്യമല്ലെന്ന സന്ദേശമാണ് ലോഗിൻ ചെയ്യാൻ ശ്രമിക്കുന്നവർക്ക് ലഭിക്കുന്നത്. മെറ്റ ബിസിനസ് പേജും ലഭ്യമല്ല. ഇൻസ്റ്റഗ്രാം സാധാരണ നിൽ നിലയിൽ പ്രവർത്തിക്കുന്നതായി ചില ഉപയോക്താക്കൾ മറ്റ് സമൂഹമാധ്യമങ്ങളിൽ കുറിച്ചു. ചിലർക്ക് മൊബൈൽ ആപ്ളിക്കേഷൻ ശരിയാം വണ്ണം പ്രവർത്തിക്കുകയും ചെയ്യുന്നു. ഡെസ്ക്ടോപ് വഴി വെബ്സൈറ്റ് ഉപയോഗിക്കുന്നവരെയാണ് കൂടുതലും തടസ്സങ്ങൾ ബാധിച്ചത്.

ഹോം പേജും അക്കൗണ്ട് സെറ്റിംഗ്സും ലഭ്യമല്ല

ഉപയോക്താക്കൾക്ക് ഹോം പേജിലേക്കോ അക്കൗണ്ട് സെറ്റിംഗ്സിലേക്കോ പ്രവേശിക്കാൻ സാധിച്ചിട്ടില്ല. അക്കൗണ്ടിൽ പ്രവേശിക്കാൻ ശ്രമിക്കുമ്പോൾ 'അക്കൗണ്ട് താൽക്കാലികമായി ലഭ്യമല്ല' (Account Temporarily Unavailable) എന്ന മുന്നറിയിപ്പാണ് സ്ക്രീനിൽ ലഭിക്കുന്നത്. സൈറ്റിലെ പ്രശ്നം കാരണമാണ് നിലവിൽ അക്കൗണ്ടുകൾ ലഭ്യമല്ലാത്തതെന്ന് ഫേസ്ബുക്കിൻ്റെ മുന്നറിയിപ്പ് സന്ദേശം വ്യക്തമാക്കുന്നു.

കുറച്ച് മിനിറ്റുകൾക്ക് ശേഷം വീണ്ടും ശ്രമിക്കണം

ഉപയോക്താക്കൾക്ക് നേരിട്ട ഈ സാങ്കേതിക തടസ്സം ചുരുങ്ങിയ സമയത്തിനുള്ളിൽ പരിഹരിക്കപ്പെടുമെന്ന് കമ്പനി അറിയിച്ചു. നിലവിലെ പ്രശ്നങ്ങൾ വേഗത്തിൽ പരിഹരിക്കുമെന്നും, കുറച്ച് മിനിറ്റുകൾക്ക് ശേഷം വീണ്ടും അക്കൗണ്ടിൽ ലോഗിൻ ചെയ്യാൻ ശ്രമിക്കണമെന്നും ഉപയോക്താക്കൾക്ക് ലഭിച്ച സന്ദേശത്തിൽ പറയുന്നുണ്ട്. എന്താണ് തകരാറിന് കാരണമെന്ന് മെറ്റ ഇതുവരെ ഔദ്യോഗികമായി വിശദീകരിച്ചിട്ടില്ല. പ്രശ്നം പരിഹരിക്കാനുള്ള ശ്രമങ്ങൾ പുരോഗമിക്കുകയാണ്.

സാങ്കേതിക മേഖലയിലെ ഈ വാർത്ത നിങ്ങളുടെ സുഹൃത്തുക്കൾക്കും പങ്കുവെക്കുക. പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്.

Article Summary: Facebook is currently experiencing a site issue, leaving users unable to access their accounts, with the platform displaying a message to try again in a few minutes.

#FacebookDown #MetaOutage #TechNews #SocialMedia #FacebookError #AccountUnavailable #AmmuNews