കണ്ണൂർ: (KVARTHA) ബി.എസ്.എൻ.എൽ കേരള സർക്കിൾ ഐ.എഫ്.ടി.വി സേവനത്തിന് കണ്ണൂരിൽ തുടക്കം കുറിച്ചു. കണ്ണൂർ ബി.എസ്.എൻ.എൽ ഭവൻ മെയിൻ കോൺഫറൻസ് ഹാളിൽ നടന്ന ചടങ്ങിൽ ബി.എസ്.എൻ.എൽ ചീഫ് മാനേജിംഗ് ഡയറക്ടർ റോബർട്ട് ജെ. രവി ഉദ്ഘാടനം നിർവഹിച്ചു.

ഐ.എഫ്.ടി.വിയിൽ 23 മലയാളം ചാനലുകൾ ഉൾപ്പെടെ 350-ഓളം ചാനലുകൾ ലഭ്യമാണെന്ന് ബി.എസ്.എൻ.എൽ അധികൃതർ അറിയിച്ചു. ബി.എസ്.എൻ.എൽ കേരളം 25 വർഷത്തെ യാത്രയ്ക്കിടയിൽ 4ജി കവറേജ് ഉൾപ്പെടെ നിരവധി നേട്ടങ്ങൾ കൈവരിച്ചിട്ടുണ്ട്. ലക്ഷദ്വീപ് പോലുള്ള ഉൾനാടൻ പ്രദേശങ്ങളിൽ പോലും ബി.എസ്.എൻ.എല്ലിന്റെ സേവനം എത്തിയിട്ടുണ്ട്. ലോകോത്തര ടെലികോം സേവനം ലഭ്യമാക്കാൻ ബി.എസ്.എൻ.എൽ കേരളം പ്രതിജ്ഞാബദ്ധമാണെന്നും അധികൃതർ പറഞ്ഞു.

ബി.എസ്.എൻ.എൽ ഉദ്യോഗസ്ഥരായ ബി. സുനിൽകുമാർ, സാജു ജോർജ്, ആർ. സതീഷ്, ടി. ശ്രീനിവാസൻ, ഭുവനേഷ് യാദവ്, കെ.കെ. അഗർവാൾ തുടങ്ങിയവർ ചടങ്ങിൽ പങ്കെടുത്തു.

ഈ വാർത്ത പങ്കുവെക്കുകയും അഭിപ്രയങ്ങൾ രേഖപ്പെടുത്തുകയും ചെയ്യുക

BSNL Kerala Circle launched its IFTV service in Kannur, offering around 350 channels, including 23 Malayalam channels. BSNL Chief Managing Director Robert J. Ravi inaugurated the service at BSNL Bhavan Main Conference Hall. BSNL officials highlighted the company's 25-year journey and commitment to providing world-class telecom services, including 4G coverage in remote areas like Lakshadweep.

#BSNLIFTV, #FreeService, #KannurLaunch, #DigitalTV, #KeralaTelecom, #BSNLKerala