അന്താരാഷ്ട്ര ഖുർആൻ പഠന പദ്ധതി; 'വെളിച്ചം' സംസ്ഥാന സംഗമം ഫെബ്രുവരി ഒന്നിന് കണ്ണൂരിൽ

കണ്ണൂർ: (KVARTHA) അന്താരാഷ്ട്ര ഖുർആൻ പഠന പദ്ധതിയായ 'വെളിച്ചം' ഇരുപത്തിയൊന്നാമത് സംസ്ഥാന സംഗമം ഫെബ്രുവരി ഒന്നിന് കണ്ണൂരിൽ നടക്കും. കേരളത്തിൻ്റെ വിവിധ ഭാഗങ്ങളിൽ നിന്നായി രണ്ടായിരത്തോളം പ്രതിനിധികൾ സംഗമത്തിൽ പങ്കെടുക്കുമെന്ന് ഐ.എസ്.എം ഭാരവാഹികൾ കണ്ണൂർ പ്രസ് ക്ലബ്ബിൽ വാർത്താസമ്മേളനത്തിൽ അറിയിച്ചു.

ഒന്നിന് രാവിലെ 10-ന് താണ ദിനേശ് ഓഡിറ്റോറിയത്തിൽ നടക്കുന്ന സംഗമം കേരള ജംഇയ്യത്തുൽ ഉലമ പ്രസിഡന്റ് ഡോ. ജമാലുദ്ദീൻ ഫാറൂഖി ഉദ്‌ഘാടനം ചെയ്യും. വെളിച്ചം സംസ്ഥാന സമിതി ചെയർമാൻ അബ്ദുൽ കരീം സുല്ലമി അദ്ധ്യക്ഷത വഹിക്കും.

മന്ത്രി കടന്നപ്പള്ളി രാമചന്ദ്രൻ മുഖ്യാതിഥിയായിരിക്കും. വെളിച്ചം പരീക്ഷാ കൺട്രോളർ ടി.പി ഹുസൈൻകോയ മുഖ്യപ്രഭാഷണം നടത്തും. കെ.എൻ.എം മർകസുദ്ദഅവ സംസ്ഥാന ട്രഷറർ കെ.എൽ.പി യൂസുഫ് പുസ്‌തക പ്രകാശനം നിർവഹിക്കും.

പഠന സെഷനുകൾ

തുടർന്ന് നടക്കുന്ന പഠന സെഷനിൽ വിവിധ വിഷയങ്ങളിൽ പ്രമുഖർ ക്ലാസുകൾ നയിക്കും. 'സമ്പാദനത്തിലെ നൈതികത' എന്ന വിഷയത്തിൽ അബ്ദുൽ ലത്തീഫ് കരുമ്പുലാക്കലും, 'സാമ്പത്തിക വിനിയോഗത്തിലെ മതദർശനം' എന്ന വിഷയത്തിൽ ഡോ. ഇസ്‌മയിൽ കരിയാടും, 'സ്ത്രീയും ഇസ്ലാമിക സാമ്പത്തിക ദർശനവും' എന്ന വിഷയത്തിൽ സി.ടി ആയിഷ ടീച്ചറും വിഷയാവതരണം നടത്തും. റാഫി പേരാമ്പ്ര കോർഡിനേറ്ററായിരിക്കും.

അഖില കേരള ബാല വെളിച്ചം ഹിഫ്സ് മത്സരത്തിന് പ്രശസ്‌ത ഖുർആൻ പണ്ഡിതൻ നൗഷാദ് മദനി കാക്കവയൽ, പി. ഫലാഹി, അബ്ദുൽ സത്താർ ഫാറൂഖി എന്നിവർ നേതൃത്വം നൽകും. മെഗാ സെഷൻ ടി.കെ കുഞ്ഞിമുഹമ്മദ് മദനി, അൻഫൻസ് നന്മണ്ട, സജ്ജാദ് ഫാറൂഖി, എൻ.കെ നാസർ ഹാദി, നസീം മടവൂർ, ഷരീഫ് കോട്ടക്കൽ എന്നിവർ നയിക്കും.

സമാപന സമ്മേളനം

വൈകിട്ട് 3.30-ന് നടക്കുന്ന സമാപന സമ്മേളനം ഐ.എസ്.എം സംസ്ഥാന പ്രസിഡൻ്റ് ഡോ. അൻവർ സാദത്ത് ഉദ്ഘാടനം ചെയ്യും. വൈസ് പ്രസിഡൻ്റ് റിഹാസ് പുലാമന്തോൾ അദ്ധ്യക്ഷനാകും. കണ്ണൂർ കോർപറേഷൻ മേയർ അഡ്വ. പി. ഇന്ദിര മുഖ്യാതിഥിയാകും. ജാഫർ വാണിമേൽ മുഖ്യപ്രഭാഷണം നടത്തും.

ചടങ്ങിൽ വെളിച്ചം ഇരുപത്തിരണ്ടാം ഘട്ടം ലോഞ്ചിങ് വെളിച്ചം പ്രോഗ്രാം ചെയർമാൻ ഡോ. ഫുഖാറലിയും, ബാല വെളിച്ചം പതിനേഴാം ഘട്ടം ലോഞ്ചിങ് കെ.എൻ.എം മർകസുദ്ദഅവ സംസ്ഥാന സെക്രട്ടറി കെ.എൽ.പി ഹാരിസും നിർവഹിക്കും.

വാർത്താസമ്മേളനത്തിൽ കെ.എൻ.എം മർകസുദ്ദഅവ സംസ്ഥാന വൈസ് പ്രസിഡൻ്റ് ഷംസുദ്ദീൻ പാലക്കോട്, സെക്രട്ടറി സി.സി ഷക്കീർ ഫാറൂഖി, പി.വി അബ്ദുൽ സക്കീർ ഫാറൂഖി, പി.ടി.പി മുസ്തഫ, സയ്യിദ് കൊളേക്കര എന്നിവർ പങ്കെടുത്തു.

ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: The 21st state gathering of the 'Velicham' Quran study project will be held in Kannur on February 1st. Organized by ISM, the event will feature study sessions, competitions, and will be attended by around 2000 delegates. Minister Kadannappally Ramachandran will be the chief guest.

#Velicham #Kannur #ISM #QuranStudy #KNM #KeralaNews #IslamicConference