Malayarattu is a rare Perunkaliyattam (Theyyam festival) ritual performed only in ten specific Namboothiri houses known as 'Mantrashalas' in Perumchellur village.

മലയറാട്ടിലെ പ്രധാന തെയ്യക്കോലങ്ങൾ ഏതെല്ലാമാണ്?

ഭൈരവൻ, തീച്ചാമുണ്ഡി, ഉച്ചിട്ട ഭഗവതി, വേട്ടയ്ക്കൊരുമകൻ തുടങ്ങിയ തെയ്യക്കോലങ്ങളും പ്രധാന ചടങ്ങായ ഉച്ചബലിയും മലയറാട്ടിലുണ്ട്.

Where is the event taking place?

The event is taking place at Talora Idavalath Pudayoor Illam near Taliparamba.

ഇതിന് മുമ്പ് ഈ ഇല്ലത്ത് മലയറാട്ട് നടന്നത് എന്നാണ്?

ഇതിനുമുമ്പ് 1997-ലാണ് ഇടവലത്ത് പുടയൂർ ഇല്ലത്ത് മലയറാട്ട് നടന്നത്.

When was the last Malayarattu held at this venue?

The last Malayarattu at Idavalath Pudayoor Illam was held in 1997.

മലയറാട്ട് എവിടെയാണ് നടക്കുന്നത്?

തളിപ്പറമ്പിന് അടുത്തുള്ള തലോറ ഇടവലത്ത് പുടയൂർ ഇല്ലത്താണ് മലയറാട്ട് നടക്കുന്നത്.

Which are the main deities/theyyams performed during Malayarattu?

Major theyyams include Bhairavan, Theechamundi, Uchitta Bhagavathi, Vettakkorumakan, and the main ritual 'Uchabali'.

എന്താണ് മലയറാട്ട്?

പെരുംചെല്ലൂർ ഗ്രാമത്തിലെ 'മന്ത്രശാലകൾ' എന്നറിയപ്പെടുന്ന പത്ത് നമ്പൂതിരി ഇല്ലങ്ങളിൽ മാത്രം നടന്നു വരുന്ന അത്യപൂർവ്വമായ ഒരു തെയ്യം അനുഷ്ഠാനമാണ് മലയറാട്ട്.

അത്യപൂർവ്വമായ മലയറാട്ട് പെരുങ്കളിയാട്ടം: തലോറ ഇടവലത്ത് പുടയൂർ ഇല്ലത്ത് 16 മുതൽ 18 വരെ നടക്കും

Channel Group

By Newsroom Delta Jan 11, 2026, 20:38 IST

Malayarattu Perunkaliyattam preparations at Pudayoor Illam

Photo: Special Arrangement

● ഒടുവിൽ ഈ ഇല്ലത്ത് മലയറാട്ട് നടന്നത് 1997-ൽ ആയിരുന്നു.
● ജനുവരി 14-ന് വിശേഷാൽ പൂജകളോടെ ചടങ്ങുകൾക്ക് തുടക്കമാകും.
● 15-ന് വിപുലമായ വിളംബര ഘോഷയാത്ര സംഘടിപ്പിക്കും.
● ഭൈരവൻ, തീച്ചാമുണ്ഡി, ഉച്ചിട്ട ഭഗവതി തുടങ്ങി നിരവധി തെയ്യക്കോലങ്ങൾ കെട്ടിയാടും.
● 16-ന് ഉച്ചയോടെ മലയറാട്ടിന്റെ പ്രധാന ചടങ്ങായ ഉച്ചബലി നടക്കും.
● മഹാമാന്ത്രിക പൈതൃകത്തിന്റെ അനുഷ്ഠാനപരമായ ഉപാസനയായാണ് മലയറാട്ട് അറിയപ്പെടുന്നത്.

തളിപ്പറമ്പ്: (KVARTHA) തലോറ ഇടവലത്ത് പുടയൂർ ഇല്ലത്ത് അത്യപൂർവ്വമായ മലയറാട്ട് 16 മുതൽ 18 വരെ അതിവിപുലമായി നടക്കുമെന്ന് സംഘാടകർ അറിയിച്ചു. മന്ത്രമൂർത്തി ഉപാസനാ പാരമ്പര്യവുമായി ബന്ധപ്പെട്ടതും പെരുംചെല്ലൂർ ഗ്രാമത്തിലെ മന്ത്രശാലകളെന്ന് അറിയപ്പെടുന്നതുമായ പത്ത് നമ്പൂതിരി ഇല്ലങ്ങളിൽ മാത്രം നടക്കുന്ന പെരുങ്കളിയാട്ടമാണ് മലയറാട്ട്. മഹാമാന്ത്രിക പൈതൃകത്തിന്റെ അനുഷ്ഠാനപരമായ ഉപാസനയാണിത്.

പൂന്തോട്ടത്തിൽ പുടയൂർ, ഇടവലത്ത് പുടയൂർ, നടുവത്ത് പുടയൂർ, ഇരുവേശി പുടയൂർ, കുറുമാത്തൂർ, നരിക്കോട്ട് ഈറ്റിശ്ശേരി, ശേഖര പുളിയപ്പടമ്പ്, കാരിശ്ശേരി, ചെറിയൂർ മുല്ലപ്പള്ളി, ചെവിട്ടങ്കര പുളിയപ്പടമ്പ്, കണ്ണോത്ത് പാപ്പനോട് എന്നീ ഇല്ലങ്ങളാണ് മന്ത്രശാലകളെന്ന് അറിയപ്പെടുന്നത്.

ഇതിൽ കണ്ണോത്ത് പാപ്പനോട് ഒഴികെ മറ്റെല്ലാ ഇല്ലങ്ങളിലും മലയറാട്ട് എന്ന അനുഷ്ഠാനം നിലനിന്നു പോരുന്നതായി ഇടവലത്ത് പുടയൂർ കുബേരൻ നമ്പൂതിരിപ്പാട് വാർത്താ സമ്മേളനത്തിൽ അറിയിച്ചു.

ഉച്ചബലി (ഒരേ സമയം രണ്ട് കോലങ്ങളും ആറോ ഏഴോ കാരാഗണങ്ങളും), ഭൈരവൻ, ഉച്ചക്കുട്ടിശാസ്തൻ, അന്തിക്കുട്ടിശാസ്തൻ, ഉച്ചിട്ട ഭഗവതി, കരുവാൾ ഭഗവതി, തീച്ചാമുണ്ഡി, മലകിടാരൻ, വേട്ടയ്ക്കൊരുമകൻ, ഊർപ്പഴശ്ശി, കൂവച്ചാൽ ഭഗവതി, തായ് പരദേവത ഇവയാണ് ഇല്ലത്ത് ആരാധിക്കപ്പെടുന്ന മൂർത്തികളിൽ മലയറാട്ടിന് കെട്ടിയാടിക്കുന്ന തെയ്യക്കോലങ്ങൾ.

Malayarattu Perunkaliyattam preparations at Pudayoor Illam

മലയറാട്ട് 16നാണ് തുടങ്ങുന്നതെങ്കിലും ആചാരപരമായ തുടക്കം 14നാണ്. അന്ന് വിശേഷാൽ പൂജകൾക്ക് ശേഷം ഇടവലത്ത് മന്ത്രശാലയിലെ മുഖ്യ പരദേവതയായ കൂവച്ചാൽ ഭഗവതിയുടെ കെട്ടിക്കലശവും ഗുരുസിയും നടക്കും. 15-നും 16-ന് കാലത്തും ഈ ചടങ്ങുകളെല്ലാം ആവർത്തിക്കും. ഇതിനു ശേഷമാണ് 16-ന് ഉച്ചയോടെ മലയറാട്ടിന്റെ തുടക്കമായ ഉച്ചബലി നടക്കുക.

15-ന് ജനകീയ കൂട്ടായ്മയിൽ രൂപീകരിച്ച സംഘാടക സമിതിയുടെ ആഭിമുഖ്യത്തിൽ വിപുലമായ വിളംബര ഘോഷയാത്രയും നടക്കും. ഒരു മനുഷ്യായുസ്സിൽ ഒരാൾക്ക് ഒന്നോ രണ്ടോ തവണ മാത്രം കാണാൻ സാധിക്കുന്ന മലയറാട്ട് ഇതിനുമുമ്പ് 1997-ലാണ് നടന്നതെന്ന് സംഘാടകർ പറഞ്ഞു.

വാർത്താ സമ്മേളനത്തിൽ പുടയൂർ ജയനാരായണൻ, കെ.വി. കൃഷ്ണൻ, സന്തോഷ് വായക്കീൽ, മേപ്പള്ളി നാരായണൻ നമ്പൂതിരി, പുരുഷോത്തമൻ തലോറ എന്നിവരും പങ്കെടുത്തു.

അത്യപൂർവ്വമായ മലയറാട്ട് കാണാൻ ആഗ്രഹിക്കുന്നവർക്കായി ഈ വാർത്ത പങ്കുവെക്കൂ.

Article Summary: Rare Malayarattu Perunkaliyattam ritual to be held at Talora Idavalath Pudayoor Illam from Jan 16-18 after a gap of 28 years.

#Malayarattu #Taliparamba #Theyyam #Perunkaliyattam #CulturalHeritage #KannurNews

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

അത്യപൂർവ്വമായ മലയറാട്ട് പെരുങ്കളിയാട്ടം: തലോറ ഇടവലത്ത് പുടയൂർ ഇല്ലത്ത് 16 മുതൽ 18 വരെ നടക്കും

Tags

Share this story

Featured

Recommended