രാജ്യത്തെ ആദ്യ കൂറ്റൻ മുത്തപ്പൻ ശിൽപം കണ്ണൂരിൽ; നിർമ്മാണത്തിന് ശനിയാഴ്ച കണ്ണാടിപ്പറമ്പിൽ തുടക്കമാകും

കണ്ണൂർ: (KVARTHA) കണ്ണൂരിൻ്റെ ആത്മീയ ഭൂമിയിൽ മറ്റൊരു ചരിത്ര വിസ്മയം കൂടി ഒരുങ്ങുന്നു. കണ്ണാടിപ്പറമ്പ് വള്ളുവൻകടവ് ശ്രീ മുത്തപ്പൻ മഠപ്പുര പരിസരത്ത് മുത്തപ്പൻ്റേയും തിരുവപ്പൻ്റേയും കൂറ്റൻ ശിൽപം നിർമ്മിക്കുന്നതിൻ്റെ കുറ്റിയടിക്കൽ കർമ്മം ശനിയാഴ്ച, (മേയ് 9) നടക്കും. ശില്പവും പീഠവുമുൾപ്പെടെ 40 അടി ഉയരത്തിലുള്ള ഈ മുത്തപ്പ ശിൽപം രാജ്യത്ത് തന്നെ ആദ്യത്തേതാണെന്ന് ഭാരവാഹികൾ അറിയിച്ചു.

ശനിയാഴ്ച രാവിലെ എട്ട്-നും ഒൻപത് മണിക്കുമിടയിലുള്ള ശുഭമുഹൂർത്തത്തിലാണ് നിർമ്മാണ പ്രവർത്തനങ്ങൾക്ക് തുടക്കം കുറിക്കുന്ന ഭൂമി പൂജയും ശിലാപൂജയും നടക്കുക. പൂർണ്ണമായും കോൺക്രീറ്റിൽ നിർമ്മിക്കുന്ന ഈ ശിൽപം ആധുനിക ശിൽപകലയുടെയും വിശ്വാസത്തിൻ്റെയും ഉത്തമ ഉദാഹരണമായിരിക്കും. നിർമ്മാണം ആരംഭിച്ച് 18 മാസത്തിനുള്ളിൽ പദ്ധതി പൂർത്തിയാക്കാനാണ് ലക്ഷ്യമിടുന്നത്.

ചടങ്ങിലെ പ്രമുഖർ:

കുറ്റിയടിക്കൽ ചടങ്ങിൽ ടി. ഗംഗാധരൻ മാസ്റ്റർ അധ്യക്ഷത വഹിക്കും. വാരണാസി ജൂന അഘാട് മഹാമണ്ഡലേശ്വർ ആനന്ദാവനം ഭാരതി സ്വാമികൾ, വിശ്വഹിന്ദു പരിഷത്ത് സംസ്ഥാന പ്രസിഡൻ്റ് വിജി തമ്പി എന്നിവർ ചടങ്ങിൽ അനുഗ്രഹ ഭാഷണം നടത്തും. ഹൈന്ദവ ആത്മീയ രംഗത്തെ പ്രമുഖരും സാംസ്കാരിക പ്രവർത്തകരും ചടങ്ങിൽ അണിനിരക്കും.

സുരേഷ് വർമ്മ, ചൈതന്യ രസാമൃത ദാസ്, രവീന്ദ്രനാഥ് ചേലേരി, ടി. അശോകൻ, എം.പി. മോഹനൻ, പി. ശശിധരൻ എന്നിവർ ചടങ്ങിൽ സംസാരിക്കും. കണ്ണൂരിൻ്റെ വിനോദസഞ്ചാര ഭൂപടത്തിലും ആത്മീയ ഭൂപടത്തിലും വള്ളുവൻകടവിനെ അടയാളപ്പെടുത്തുന്ന ഒന്നായി ഈ ശിൽപം മാറുമെന്നാണ് നാട്ടുകാരുടെ പ്രതീക്ഷ.

നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമൻ്റായി രേഖപ്പെടുത്താൻ മറക്കരുത്. ഇതുപോലുള്ള കൂടുതൽ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. ഈ വാർത്ത സുഹൃത്തുക്കളിലേക്ക് എത്തിക്കാൻ ഷെയർ ചെയ്യുക.

Article Summary: India's first 40-foot tall statue of Thiruvappana Muthappan is set to be constructed in Kannadiparamba, Kannur. The ground-breaking ceremony is scheduled for May 9, 2026.

#KannurNews #MuthappanStatue #Kannadiparamba #SpiritualKerala #KeralaTourism #BreakingNews #IndiaFirst #Sculpture