തളിപ്പറമ്പ്: (KVARTHA) ആധ്യാത്മിക ആചാര്യനായ ഡോ. എം.ജി. വിനോദിനെ തളിപ്പറമ്പ് ഭഗവതി ക്ഷേത്ര കമ്മിറ്റി ആദരിച്ചു. ക്ഷേത്ര പരിസരത്ത് വെള്ളിയാഴ്ച (മെയ് 09) വൈകുന്നേരം നടന്ന ചടങ്ങിൽ തളിപ്പറമ്പ് ഭഗവതി ക്ഷേത്രം രക്ഷാധികാരി കെ. മോഹനൻ അദ്ദേഹത്തെ ഷാളണിയിച്ച് ഉപഹാരം നൽകി. 

തലക്കൽ രഘുനാഥൻ ഈ ചടങ്ങിൽ അധ്യക്ഷത വഹിച്ചു. കുമാരൻ പൊന്നാടയണിയിച്ച് അദ്ദേഹത്തെ ആദരിച്ചു. കരിമ്പം കെ.പി. രാജീവൻ, ഗംഗാധരൻ എന്നിവർ സംസാരിച്ചു.

ശബരിമലയുടെ ആചാരങ്ങൾ, അനുഷ്ഠാനങ്ങൾ, ചരിത്രം, ഐതിഹ്യങ്ങൾ എന്നിവ ഉൾക്കൊള്ളുന്ന 'ശബരിമല സർവ്വസ്വം' എന്ന ഗ്രന്ഥം രചിച്ചതിനും, ഈ ഗ്രന്ഥത്തെ അടിസ്ഥാനമാക്കി വേദസാരത്തോടെ സാധാരണക്കാർക്ക് അയ്യപ്പന്റെ മാഹാത്മ്യം എത്തിക്കുന്നതിനായി അഞ്ച് ദിവസം നീണ്ടുനിൽക്കുന്ന അയ്യപ്പ മഹാസത്രം ചിട്ടയോടെ തയ്യാറാക്കി കേരളത്തിനകത്തും പുറത്തുമായി നിരവധി വേദികളിൽ അവതരിപ്പിച്ചതിനുമാണ് ആചാര്യൻ എം.ജി. വിനോദിന് യൂറോപ്യൻ യൂണിവേഴ്സിറ്റി ഡോക്ടറേറ്റ് നൽകി ആദരിച്ചത്.

തളിപ്പറമ്പ് പുളിമ്പറമ്പ് സ്വദേശിയായ ആചാര്യൻ എം.ജി. വിനോദ് കഴിഞ്ഞ പതിനെട്ട് വർഷമായി ആധ്യാത്മിക രംഗത്ത് സജീവമാണ്. 'ശബരിമല സർവ്വസ്വം' കൂടാതെ തളിപ്പറമ്പിന്റെ ചരിത്രമായ 'പെരുഞ്ചെല്ലൂർ പെരുമ', '226 ശരണംവിളികളും ശബരിമല വിശേഷങ്ങളും', 'സന്ധ്യാനാമവും ഭജനകളും' എന്നീ പുസ്തകങ്ങളും അദ്ദേഹം രചിച്ചിട്ടുണ്ട്.

'ശബരിമല സർവ്വസ്വം' രചയിതാവിനുള്ള ഈ ആദരത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക! 

Summary: Thalipparamba Bhagavathi Temple Committee felicitated Dr. M.G. Vinod, the author of 'Sabarimala Sarvaswam', for his literary work on Sabarimala and for organizing the Ayyappa Mahasathram. He was honored by K. Mohanan and others at a ceremony.

#MGVinod, #SabarimalaSarvaswam, #Thalipparamba, #AyyappaMahasathram, #KeralaCulture, #SpiritualLeader