തിരുവനന്തപുരം: (KVARTHA) സ്ത്രീകളുടെ ശബരിമല എന്നറിയപ്പെടുന്ന ആറ്റുകാൽ ഭഗവതി ക്ഷേത്രത്തിലെ പൊങ്കാല മാർച്ച് 13-നാണ് നടക്കുക. മാർച്ച് 13 വ്യാഴാഴ്ച രാവിലെ 10.15-ന് പണ്ടാര അടുപ്പിൽ തീ പകരുന്നതോടെ പൊങ്കാല ചടങ്ങുകൾ ആരംഭിക്കും. ഉച്ചയ്ക്ക് 1.15-ന് പൊങ്കാല നിവേദിക്കും. 'ശുചിത്വ പൊങ്കാല പുണ്യ പൊങ്കാല' എന്നതാണ് ഈ വർഷത്തെ പൊങ്കാലയുടെ ശുചിത്വ മിഷൻ മുന്നോട്ടുവെക്കുന്ന മുദ്രാവാക്യം.

പൊങ്കാല മഹോത്സവത്തിൻ്റെ പ്രധാന ചടങ്ങുകൾ മാർച്ച് 5-ന് കാപ്പുകെട്ടിന്റെ തുടക്കത്തോടെ ആരംഭിച്ചു. പൊങ്കാല ദിവസമായ മാർച്ച് 13-ന് രാവിലെ 10.15-ന് പണ്ടാര അടുപ്പിൽ തീ പകർന്ന ശേഷം ഉച്ചയ്ക്ക് 1.15-ന് പൊങ്കാല നിവേദ്യം നടക്കും.  രാത്രി 7.45-ന് ചൂരൽകുത്തലും, രാത്രി 11.15-ന് പുറത്തെഴുന്നള്ളത്തും ഉണ്ടാകും. മാർച്ച് 14-ന് കാപ്പഴിച്ച് കുടിയിളക്കൽ, ഗുരുതി തർപ്പണം എന്നിവയോടുകൂടി ഈ വർഷത്തെ പൊങ്കാല മഹോത്സവം സമാപിക്കും.

പൊങ്കാലയ്ക്ക് എത്തുന്ന ഭക്തജനങ്ങൾക്കായി ക്ഷേത്രവും അധികൃതരും ചില നിർദ്ദേശങ്ങൾ പുറപ്പെടുവിച്ചിട്ടുണ്ട്. ക്ഷേത്ര പരിസരത്ത് കടകൾ നടത്താൻ ലൈസൻസ് ഉള്ള വ്യക്തികൾക്ക് മാത്രമേ അനുമതി നൽകുകയുള്ളു. ഉത്സവ ദിവസങ്ങളിൽ ഭക്ഷ്യസുരക്ഷാ ഉദ്യോഗസ്ഥർ കർശനമായ പരിശോധനകൾ നടത്തും. പൊങ്കാലയ്ക്ക് എത്തുന്ന എല്ലാ ഭക്തരും സ്റ്റീൽ പ്ലേറ്റുകളും കപ്പുകളും സ്വന്തമായി കൊണ്ടുവരണം. ഈ വർഷം 592 കുട്ടികൾ കുത്തിയോട്ട നേർച്ചയ്ക്കായി രജിസ്റ്റർ ചെയ്തിട്ടുണ്ട്.

വാഹന പാർക്കിംഗിനായി ബണ്ട് റോഡിൽ നാല് മൈതാനങ്ങൾ സജ്ജീകരിച്ചിട്ടുണ്ട്. ഭക്തജനങ്ങളുടെ സുരക്ഷ ഉറപ്പാക്കുന്നതിനായി 4000 പോലീസ് ഉദ്യോഗസ്ഥരെ നിയോഗിച്ചിട്ടുണ്ട്. വെള്ളയമ്പലം മുതൽ തൈക്കാട് വരെയുള്ള ഹൈടെക് റോഡിലെ ടൈലുകളിൽ പൊങ്കാലയിടുന്നത് ഒഴിവാക്കണമെന്ന് ഭക്തർ ശ്രദ്ധിക്കണം.

പൊങ്കാല ദിവസമായ മാർച്ച് 13 വ്യാഴാഴ്ച എറണാകുളം സൗത്തിൽ നിന്ന് തിരുവനന്തപുരത്തേക്ക് പ്രത്യേക ട്രെയിൻ സർവീസ് ഉണ്ടായിരിക്കും. ഈ ട്രെയിൻ ഉച്ചകഴിഞ്ഞ് തിരികെ എറണാകുളത്തേക്ക് തന്നെ മടങ്ങും. പൊങ്കാല മഹോത്സവത്തോടനുബന്ധിച്ച് വിദ്യാഭ്യാസ സ്ഥാപനങ്ങൾക്കും, സർക്കാർ, അർദ്ധ സർക്കാർ സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്.
 

ഈ വാർത്ത പങ്കുവെക്കാനും അഭിപ്രായങ്ങൾ രേഖപ്പെടുത്താനും മറക്കരുത്fest

Attukal Pongala festival is on March 13th. Devotees should bring steel plates and cups. Special train services are available. Authorities have issued guidelines for a clean and safe festival.

#AttukalPongala #KeralaFestival #Devotion #Spirituality #Tradition #CleanPongala