Smartphone Alert | ഷഓമി, വിവോ, ഓപ്പോ ഫോൺ ഉപയോക്താവാണോ? നിങ്ങൾ കുരുക്കിലായേക്കാം! കീബോർഡ് ആപ്പുകളിൽ ഗുരുതരമായ സുരക്ഷാ പ്രശ്നമെന്ന് കണ്ടെത്തൽ; ശ്രദ്ധിക്കേണ്ട കാര്യങ്ങൾ

 

ന്യൂഡെൽഹി: (KVARTHA) ഷഓമി, വിവോ, ഓപ്പോ എന്നീ ചൈനീസ് സ്മാർട്ട്ഫോൺ നിർമ്മാണ കമ്പനികളുടെ ഫോണുകളിൽ ഉപയോഗിക്കുന്ന കീബോർഡ് ആപ്പുകൾ ഗുരുതരമായ സുരക്ഷാ പ്രശ്നങ്ങൾ ഉള്ളതായി റിപ്പോർട്ട്. ഈ കീബോർഡ് ആപ്പുകൾ ഉപയോക്താക്കൾ ടൈപ്പ് ചെയ്യുന്ന ടെക്സ്റ്റ്, പാസ്‌വേഡുകൾ, ക്രെഡിറ്റ് കാർഡ് വിവരങ്ങൾ എന്നിവ പോലുള്ള പ്രധാന വിവരങ്ങൾ ചോർത്തിയേക്കാം എന്ന് സിറ്റിസൺ ലാബ് ഗവേഷകർ കണ്ടെത്തി.
  
Smartphone Alert | ഷഓമി, വിവോ, ഓപ്പോ ഫോൺ ഉപയോക്താവാണോ? നിങ്ങൾ കുരുക്കിലായേക്കാം! കീബോർഡ് ആപ്പുകളിൽ ഗുരുതരമായ സുരക്ഷാ പ്രശ്നമെന്ന് കണ്ടെത്തൽ; ശ്രദ്ധിക്കേണ്ട കാര്യങ്ങൾ

ഏകദേശം ഒരു ബില്യൺ ഉപയോക്താക്കളെ ആണ് ഈ സുരക്ഷാ പ്രശ്നം ബാധിക്കാൻ സാധ്യതയുള്ളത്. ഈ മൂന്ന് കമ്പനികളുടെയും ഫോണുകളിൽ മുൻകൂട്ടി ഇൻസ്റ്റാൾ ചെയ്തുവരുന്ന കസ്റ്റം കീബോർഡ് ആപ്പുകളാണ് പ്രശ്നത്തിന്റെ കേന്ദ്രം. ഈ ആപ്പുകൾ ഉപയോക്താക്കളുടെ അനുമതിയില്ലാതെ ഡാറ്റ ശേഖരിക്കുകയും മൂന്നാം കക്ഷികൾക്ക് പങ്കിടുകയും ചെയ്യുന്നുവെന്നാണ് കണ്ടെത്തല്‍.

എന്തൊക്കെ വിവരങ്ങളാണ് ചോർത്തുന്നത്?


ടൈപ്പ് ചെയ്ത ടെക്സ്റ്റ്
പാസ്‌വേഡുകൾ
കോൺടാക്റ്റ് വിവരങ്ങൾ
ക്രെഡിറ്റ് കാർഡ് വിവരങ്ങൾ
ബാങ്കിംഗ് വിവരങ്ങൾ

അപകടസാധ്യത നേരിടുന്ന കീബോർഡ് ആപ്പുകൾ


ടെൻസെൻ്റ് ക്യൂക്യൂ പിൻയിൻ (Tencent QQ Pinyin)
ബൈദു ഐഎംഇ (Baidu IME)
ഐ ഫ്‌ലൈ ടെക് (iFlytek IME)
സാംസങ് കീബോർഡ് (Samsung keyboard)
ഷഓമിയിലെ കീബോർഡ് ആപുകൾ (Baidu, iFlytek, Sogou)
ഓപ്പോ (Baidu, Sogou)

ഉപയോക്താക്കൾക്ക് ചെയ്യാൻ കഴിയുന്നത്


ഈ കീബോർഡ് ആപ്പുകളിൽ ഭൂരിഭാഗവും ചൈനയിലെ ഫോണുകളിൽ ഉപയോഗിക്കുന്നു, എന്നാൽ അവ ലോകമെമ്പാടുമുള്ള ദശലക്ഷക്കണക്കിന് ഉപഭോക്താക്കൾക്ക് ഭീഷണിയായേക്കാം. ഈ ഫോണുകളിലേതെങ്കിലും ഉപയോഗിക്കുന്ന ആളുകൾ അവരുടെ കീബോർഡ് ആപ്പുകൾ അപ്‌ഡേറ്റ് ചെയ്യണമെന്ന് വിദഗ്ധർ നിർദേശിക്കുന്നു.

ഈ മൂന്ന് കമ്പനികളുടെയും ഫോണുകളിൽ വരുന്ന കസ്റ്റം കീബോർഡ് ആപ്പുകൾ ഉപയോഗിക്കുന്നത് ഒഴിവാക്കാവുന്നതാണ്. ഗൂഗിൾ പ്ലേ സ്റ്റോറിൽ നിന്ന് ഡൗൺലോഡ് ചെയ്യാവുന്ന സുരക്ഷിതമായ കീബോർഡ് ആപ്പുകൾ ഉപയോഗിക്കുന്നതാണ് നല്ലത്. ഫോണിന്റെ സെറ്റിങ്സിൽ പോയി ഈ കീബോർഡ് ആപ്പുകളുടെ അനുമതികൾ പരിശോധിക്കുകയും വേണ്ടാത്തത് ഒഴിവാക്കുകയും ചെയ്യുക.

സ്മാർട്ട്ഫോണിൽ ഉപയോഗിക്കുന്ന ആപ്പുകൾ ഡൗൺലോഡ് ചെയ്യുമ്പോൾ അനുമതികൾ ശ്രദ്ധിക്കേണ്ടത് പ്രധാനമാണ്. എന്തിനാണ് ഒരു കീബോർഡ് ആപ്പിന് നിങ്ങളുടെ കോൺടാക്റ്റുകൾ അല്ലെങ്കിൽ ബാങ്കിംഗ് വിവരങ്ങൾ ആവശ്യമെന്ന് ചിന്തിക്കുക. അനാവശ്യമായ അനുമതികൾ നൽകുന്നത് ഒഴിവാക്കുക.

Keywordds: Smartphone, Xiaomi, Vivo, Oppo, Keyboard Apps, China, Texts, Passwords, Credit Card Details, Tencent QQ Pinyin, Tencent QQ Pinyin, iFlytek IME, Samsung Keyboard, Google Play Store, Xiaomi, Vivo And Oppo Phone Keyboard Apps Can Expose Data Of 1 Billion Users. 
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia