ഷി ചിൻപിങ് ഇന്ത്യൻ ആശുപത്രികളെ ഭയന്ന് മടങ്ങിയതാണൊ? ബ്രിക്സ് ഉച്ചകോടിക്കിടെ ചൈനീസ് പ്രസിഡൻ്റ് രോഗബാധിതനായെന്ന പ്രചാരണത്തിന് പിന്നിലെ സത്യം ഇത്

ബെയ്‌ജിങ്: (KVARTHA) ബ്രിക്‌സ് ഉച്ചകോടിക്കിടെ ചൈനീസ് പ്രസിഡൻ്റ് ഷി ചിൻപിങ്ങിന് പക്ഷാഘാതം സംഭവിച്ചതായും അദ്ദേഹത്തെ അടിയന്തരമായി ബെയ്ജിങ്ങിലെ ആശുപത്രിയിൽ പ്രവേശിപ്പിച്ചതായും ഉള്ള പ്രചാരണങ്ങൾ വസ്തുതാവിരുദ്ധമെന്ന് റിപ്പോർട്ട്. ചൈനീസ് ഡെമോക്രാറ്റിക് പാർട്ടി ചെയർമാൻ വാൻജുൻ ഷി എക്‌സ് പ്ലാറ്റ്ഫോമിൽ പങ്കുവെച്ച അവകാശവാദങ്ങൾ വ്യാജമാണെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.

ചികിത്സ തേടാൻ ഭയന്നെന്ന വാദം

ബ്രിക്സ് ഉച്ചകോടിക്കിടെ ഷി ചിൻപിങ് ബോധരഹിതനായെന്നും, ഇന്ത്യൻ ആശുപത്രികളിൽ ചികിത്സ തേടാൻ ഭയന്ന് പ്രത്യേക വിമാനത്തിൽ ചൈനയിലേക്ക് മടങ്ങിയെന്നുമാണ് വാൻജുൻ ഷി അവകാശപ്പെട്ടത്.

ബെയ്‌ജിങ്ങിലെ ആശുപത്രിയിൽ സൈനിക ഹെലികോപ്റ്ററിൽ എത്തിച്ച അദ്ദേഹത്തിൻ്റെ നില ഗുരുതരമാണെന്നും സെപ്റ്റംബർ അവസാന വാരം നിശ്ചയിച്ചിരിക്കുന്ന അമേരിക്കൻ സന്ദർശനം റദ്ദാക്കിയേക്കുമെന്നും പോസ്റ്റ‌ിൽ പറഞ്ഞിരുന്നു.

സന്ദർശനം പൂർത്തിയാക്കിയാണ് മടങ്ങിയത്

ഷി ചിൻപിങ് തൻ്റെ ഇന്ത്യൻ സന്ദർശനം പാതിവഴിയിൽ ഉപേക്ഷിച്ചിരുന്നില്ല എന്നതാണ് വസ്തുത. ബ്രിക്‌സ്‌ ഉച്ചകോടിയിലെ പ്രധാന ചർച്ചകളിൽ അദ്ദേഹം പങ്കെടുക്കുകയും, പ്രധാനമന്ത്രി നരേന്ദ്ര മോദിയുമായി ഉഭയകക്ഷി ചർച്ചകൾ നടത്തുകയും ചെയ്‌തു. 2026 സെപ്റ്റംബർ 13 ഞായറാഴ്ച ഉച്ചയ്ക്ക് ഉച്ചകോടി പൂർത്തിയാക്കിയ ശേഷമാണ് അദ്ദേഹം മടങ്ങിയത്.

വിമാനത്താവളത്തിൽ ഇന്ത്യൻ ഉദ്യോഗസ്‌ഥർ അദ്ദേഹത്തിന് ഔദ്യോഗികമായി യാത്രയയപ്പും നൽകിയിരുന്നു. ഏഷ്യൻ വൻകരയിലെ രണ്ട് വൻശക്തികൾ തമ്മിലുള്ള നയതന്ത്ര ബന്ധം കൂടുതൽ ഊട്ടിയുറപ്പിക്കാൻ ഈ ഉഭയകക്ഷി ചർച്ചകൾക്ക് സാധിച്ചുവെന്നാണ് വിലയിരുത്തൽ.

习近平在印度主办的金砖会议的开幕式上，突然身感不适，嘴唇紧咬，双眼紧闭，面部紧绷，头部下垂，身体瘫坐在椅子上，突然晕倒。在一旁正在发表讲话的印度总理莫迪，注意到习近平身体突然不适后，立即停下发言，并多次询问工作人员，“Is it OK？”。在英文语境中，Is it… pic.twitter.com/JzbOAlSa5V

— 谢万军 Wanjun Xie (@WanjunXie) September 14, 2026

അത്താഴവിരുന്ന് ഒഴിവാക്കിയത് കാരണമായി

2026 സെപ്റ്റംബർ 12 ശനിയാഴ്ച പ്രധാനമന്ത്രി നരേന്ദ്ര മോദി രാഷ്ട്രത്തലവന്മാർക്കായി ഒരുക്കിയ അത്താഴവിരുന്നിൽ ഷി ചിൻപിങ് പങ്കെടുത്തിരുന്നില്ല. അദ്ദേഹം വിശ്രമിക്കാനായി തൻ്റെ ഹോട്ടലിലേക്ക് പോയതാണ് ഇത്തരം വ്യാജ പ്രചാരണങ്ങൾക്ക് കാരണമായത്.

ഇതിനിടെ, വാൻജുൻ ഷി പങ്കുവെച്ച എക്‌സ് പോസ്റ്റ‌ിനു മുകളിൽ വസ്‌തുതാവിരുദ്ധമായ വിവരങ്ങൾ അടയാളപ്പെടുത്തുന്ന എക്‌സിൻ്റെ കമ്മ്യൂണിറ്റി നോട്ട്സ് ടാഗും വന്നിട്ടുണ്ട്.

ഈ വസ്തുതാ പരിശോധനാ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: Fake news debunked: Xi Jinping did not suffer a stroke at the BRICS summit.

#Kvartha #XiJinping #FakeNews #BRICSSummit #FactCheck #ChinaNews #MalayalamNews