മയക്കുമരുന്ന് മാറിടങ്ങളില്‍ ഒളിപ്പിച്ച യുവതി പിടിയില്‍

വാഷിങ് ടണ്‍: മാറിടത്തിനുള്ളില്‍ ഒളിപ്പിച്ച് മയക്കുമരുന്ന് കടത്താന്‍ ശ്രമിച്ച 31 കാരിയായ യുവതിയെ ബാഴ്സലോണ വിമാനത്താവളത്തില്‍ വെച്ച് പോലീസ് അറസ്റ്റു ചെയ്തു. വിമാനത്താവളത്തിലെ പതിവു പരിശോധനയ്ക്കിടെ യുവതിയുടെ പെരുമാറ്റത്തില്‍ സംശയം തോന്നിയ അധികൃതര്‍ അവരെ കൂടുതല്‍ പരിശോധനയ്ക്ക് വിധേയമാക്കുകയായിരുന്നു. അപ്പോഴാണ് മാറിടങ്ങളില്‍ ശസ്ത്രക്രിയ ചെയ്ത അടയാളങ്ങള്‍ ശ്രദ്ധയില്‍പ്പെട്ടത്.

ഇതിനെപ്പറ്റി യുവതിയോട് അന്വേഷിച്ചപ്പോള്‍ താന്‍ അടുത്തിടെ ശസ്ത്രക്രിയയ്ക്ക് വിധേയയായതായും തുടര്‍ന്നുള്ള പരിശോധനകള്‍ക്കായി പോവുകയാണെന്നും യുവതി പറഞ്ഞു. തുടര്‍ന്ന് സ്‌കാനര്‍ ഉപയോഗിച്ച് പരിശോധിപ്പിച്ചപ്പോഴാണ് മാറിടങ്ങള്‍ക്കുള്ളില്‍ മയക്കുമരുന്ന് കണ്ടത്. മയക്കുമരുന്ന് ചെറിയ പാക്കറ്റുകളാക്കിയ ശേഷം ശസ്ത്രക്രിയ നടത്തി ഇം പ്ലാന്റിനുള്ളില്‍ നിക്ഷേപിക്കുകയായിരുന്നു. മയക്കുമരുന്ന് കടത്തുസംഘത്തിലെ ഒരു കണ്ണിമാത്രമാണ് യുവതിയെന്നാണ് പോലീസ് കരുതുന്നത്. പൊലീസ് കൂടുതല്‍ അന്വേഷണം ആരംഭിച്ചിട്ടുണ്ട്. യുവതിയില്‍ നിന്ന് പിടിച്ചെടുത്ത മയക്കുമരുന്നിന് വിപണിയില്‍ ലക്ഷങ്ങള്‍ വില വരും.

Keywords: Lady, Try, Airport, Police, Arrest, Behaviour, Operation, Kerala Vartha, Malayalam Vartha, Malayalam News, That's a Real drugs bust! Woman seized at Spanish airport with two bags of cocaine implanted Indise her breasts.