Transplant | അത്യപൂർവം! ലോകത്തിൽ ആദ്യമായി കണ്ണ് മാറ്റിവയ്ക്കൽ ശസ്ത്രക്രിയ നടത്തി; ഓപറേഷൻ നീണ്ടുനിന്നത് 21 മണിക്കൂർ

നാളിതുവരെ കോർണിയ മാത്രമേ മാറ്റിവയ്ക്കാൻ കഴിഞ്ഞുള്ളൂ

മാറ്റിവെച്ച കണ്ണിന് ശസ്ത്രക്രിയ കഴിഞ്ഞ് ആറ് മാസത്തിനുള്ളിൽ രക്തക്കുഴലുകളും റെറ്റിനയും നന്നായി പ്രവർത്തിക്കുമെന്ന് എൻ‌യു‌യു ലാങ്കോൺ ഹെൽത്തിലെ ശസ്ത്രക്രിയാ സംഘത്തെ നയിച്ച ഡോക്ടർ എഡ്വാർഡോ റോഡ്രിഗസ് പറഞ്ഞു. അതിനുശേഷം മാത്രമേ രോഗിക്ക് കാഴ്ച ലഭിക്കുമോ ഇല്ലയോ എന്ന് പറയാൻ കഴിയൂ.

ശസ്ത്രക്രിയയ്ക്ക് 21 മണിക്കൂർ വേണ്ടിവന്നു. ഞങ്ങൾ സമ്പൂർണ നേത്ര മാറ്റിവയ്ക്കൽ നടത്തി, നൂറ്റാണ്ടുകളായി ചിന്തിക്കുന്ന, എന്നാൽ ഒരിക്കലും സാധ്യമല്ലാത്ത ഒരു സുപ്രധാന ചുവടുവയ്പ്പ് ആണിത്. ഇതുവരെ കണ്ണിന്റെ മുൻ പാളിയായ കോർണിയ മാത്രമേ ഡോക്ടർമാർക്ക് മാറ്റിവയ്ക്കാൻ കഴിഞ്ഞിരുന്നുള്ളൂ, എന്നാൽ ഇപ്പോൾ ഒരു കണ്ണ് മുഴുവൻ മാറ്റിവച്ചു. ഫലങ്ങൾ പോസിറ്റീവ് ആയിരിക്കുമെന്ന് പ്രതീക്ഷിക്കുന്നുവെന്നും അദ്ദേഹം കൂട്ടിച്ചേർത്തു.

30 വയസുകാരനാണ് ദാതാവ്

ജോലിക്കിടെ ഉയർന്ന വോൾട്ടേജ് ലൈനിൽ നിന്നാണ് ആരോൺ ജെയിംസിന് വൈദ്യുതാഘാതമേറ്റത്. ഇതുമൂലം മുഖത്തിന്റെ ഇടതുഭാഗം, മൂക്ക്, വായ, ഇടത് കണ്ണ് എന്നിവ സാരമായി നശിച്ചു. ഏറെ നാളത്തെ പ്രയത്‌നത്തിനൊടുവിൽ മുഖത്തിന്റെ പകുതിഭാഗം മാറ്റിവയ്ക്കൽ ശസ്ത്രക്രിയയ്ക്കും നേരത്തെ അദ്ദേഹം വിധേയനായിരുന്നു. 2021 ലാണ് അപകടമുണ്ടായത്, പക്ഷേ അദ്ദേഹത്തിന്റെ വലത് കണ്ണ് പ്രവർത്തിച്ചിരുന്നു എന്നതാണ് പ്രത്യേകത. മുഖവും കണ്ണും 30 വയസുള്ള ഒരു പുരുഷ ദാതാവിൽ നിന്നാണ് ലഭിച്ചത്.

കാഴ്ചശക്തി വീണ്ടെടുക്കുമെന്ന് പ്രതീക്ഷ

മാധ്യമ റിപ്പോർട്ടുകൾ പ്രകാരം, അമേരിക്കയിൽ മുഖം മാറ്റിവയ്ക്കൽ ശസ്ത്രക്രിയയ്ക്ക് വിധേയനായ 19-ാമത്തെ വ്യക്തിയാണ് ജെയിംസ്. അപകടത്തെ തുടർന്ന് അദ്ദേഹത്തിന്റെ കണ്ണ് പൂർണമായും നീക്കം ചെയ്യേണ്ടിവന്നുവെന്നും അതുമൂലം വേദന അനുഭവപ്പെട്ടിരുന്നുവെന്നും എന്നാൽ ഈ ശസ്ത്രക്രിയയ്ക്ക് ശേഷം അദ്ദേഹത്തെ കാണുന്നത് സന്തോഷകരമായ അനുഭവമാണെന്നും 20 കാരിയായ ഭാര്യ മേഗൻ ജെയിംസ് പറയുന്നു.