ഇറാൻ-യുഎസ് മധ്യസ്ഥ ശ്രമങ്ങളിൽ പാകിസ്താൻ്റെ ഇടപെടലിൽ ആശങ്ക ഉന്നയിച്ച് യുഎസ് സെനറ്റ് അംഗം റിക്ക് സ്കോട്ട്

വാഷിങ്ടൺ: (KVARTHA) ആയത്തുള്ള അലി ഖമേനിയുടെ ഖബറക്ക ചടങ്ങിൽ പാകിസ്താൻ പ്രധാനമന്ത്രി ഷഹബാസ് ഷെരീഫ് പങ്കെടുത്തതിന് പിന്നാലെ ഇറാൻ-യുഎസ് മധ്യസ്ഥ ശ്രമങ്ങളിൽ ആശങ്ക ഉന്നയിച്ച് യുഎസ് സെനറ്റ് അംഗം റിക്ക് സ്കോട്ട് രംഗത്ത്. മധ്യസ്ഥ ശ്രമം നടത്തുന്ന പാകിസ്താൻ ശരിക്കും ആരാണെന്ന് ഓർക്കേണ്ടതുണ്ടെന്ന് റിക്ക് സ്കോട്ട് എക്സിൽ കുറിച്ചു. ആയത്തുള്ള അലി ഖമേനിയുടെ ഖബറക്ക ചടങ്ങിൽ പങ്കെടുത്ത ശേഷം അദ്ദേഹത്തെ പ്രകീർത്തിച്ച് ഷഹബാസ് ഷെരീഫ് സംസാരിച്ചിരുന്നു.

പ്രസ്താവന ചൊടിപ്പിച്ചു

അലി ഖമേനി മഹാനായ പണ്ഡിതനും നേതാവുമാണെന്നായിരുന്നു പാക് പ്രധാനമന്ത്രി ഷഹബാസ് ഷെരീഫ് വിശേഷിപ്പിച്ചത്. ഇറാനും പാകിസ്താനും സഹോദരരാജ്യങ്ങളാണെന്നും ഏത് സാഹചര്യത്തിലും തങ്ങൾ ഒരുമിച്ചുനിൽക്കുമെന്നും അദ്ദേഹം പറഞ്ഞിരുന്നു. ഇതാണ് ചില യുഎസ് പാർലമെൻ്റ് അംഗങ്ങളെ ചൊടിപ്പിച്ചത്. യുഎസ്-ഇറാൻ സമാധാന കരാറിനായുള്ള പാകിസ്താൻ്റെ ഇടപെടലിൽ റിക്ക് സ്കോട്ട് കടുത്ത ആശങ്ക ഉയർത്തുകയും ചെയ്തു.

നിരീക്ഷിക്കുന്നുവെന്ന് മുന്നറിയിപ്പ്

'ഇടപെടൽ നടത്തുന്ന പാകിസ്താൻ ആരായിരുന്നുവെന്ന് നമ്മൾ ഓർക്കേണ്ടതായിരുന്നു. ബിൻലാദന് ഒളിയിടമൊരുക്കിയ, മതനിന്ദ ആരോപിച്ച് ക്രിസ്ത്യാനികളെ പീഡിപ്പിച്ചിരുന്ന, വംശഹത്യ നടത്തിയ ഇറാനിലെ ഭരണാധികാരിയെ പ്രകീർത്തിച്ച പ്രധാനമന്ത്രിയുള്ള രാജ്യത്തെക്കുറിച്ചാണ് നമ്മൾ സംസാരിക്കുന്നത്. 

We need to remember who Pakistan really is in the middle of all this.

We’re talking about a country where bin Laden hid out for a decade, where they selectively enforce lopsided blasphemy laws to persecute Christians, and where the Prime Minister just praised the genocidal mass… https://t.co/7SRIGGwyI1

— Rick Scott (@SenRickScott) July 6, 2026

മധ്യസ്ഥത വഹിക്കാൻ അവർക്ക് യാതൊരു അവകാശവുമില്ല. ഒരുകാര്യം ഇസ്ലാമാബാദ് അറിഞ്ഞിരിക്കണം, ഞങ്ങൾ സൂക്ഷ്മമായി നിരീക്ഷിക്കുകയാണ്', റിക്ക് സ്കോട്ട് എക്സിൽ കുറിച്ചു. ടെഹ്റാനിൽനിന്ന് പാക് പ്രധാനമന്ത്രി മാധ്യമങ്ങളോട് സംസാരിക്കുന്നതിൻ്റെ വീഡിയോയും റിക്ക് സ്കോട്ട് പങ്കുവെച്ചിട്ടുണ്ട്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന്  താഴെ കമൻ്റായി രേഖപ്പെടുത്താം.

Article Summary: US Senator Rick Scott expressed concerns over Pakistan's role in US-Iran mediation after Pakistani Prime Minister Shehbaz Sharif attended Ayatollah Ali Khamenei's funeral and praised him. 

#USIranRelations #PakistanMediation #RickScott #ShehbazSharif #InternationalNews #Geopolitics #AmmuNews