Moon | ചന്ദ്രനിലും ഒരു മനുഷ്യന്റെ കുഴിമാടം! ആരാണ് ആ വ്യക്തി, എന്താണ് കാരണം? ഇന്ത്യ ചാന്ദ്രയാൻ 3 ദൗത്യത്തിന് ഒരുങ്ങുമ്പോൾ അറിയേണ്ട കൗതുക കാര്യം

ചന്ദ്രൻ എപ്പോഴും നമുക്ക് ആകാംക്ഷയുടെ കേന്ദ്രമാണ്. പുരാണങ്ങളിൽ, ചന്ദ്രനെ ദേവനായി കണക്കാക്കുന്നു, കവിതകളിലും കഥകളിലും ചന്ദ്രൻ പ്രണയവരികളോടൊപ്പം വരുന്നു. അതേസമയം, ആധുനിക ശാസ്ത്രം ചന്ദ്രനെ ഭൂമിയുടെ ഉപഗ്രഹമായി മാത്രമല്ല കാണുന്നത്. വരുംകാലത്ത് ആളുകൾക്ക് അഭയസ്ഥാനം കൂടിയാകും ഇതെന്നാണ് അവർ കരുതുന്നത്. ബഹിരാകാശ കോളനിവൽക്കരണവും ബഹിരാകാശ വിനോദസഞ്ചാരവും ഭാവിയിൽ കുതിച്ചുയരുകയാണെങ്കിൽ അത്ഭുതപ്പെടേണ്ടതില്ല.

ശീതയുദ്ധകാലത്ത് അമേരിക്കയും സോവിയറ്റ് യൂണിയനും തമ്മിൽ ആരംഭിച്ച ബഹിരാകാശ പോരിന്റെ ഫലമായി 1969-ൽ നീൽ ആംസ്ട്രോങ്ങും ബസ് ആൽഡ്രിനും ചന്ദ്രനിൽ ആദ്യമായി കാലുകുത്തുന്ന വ്യക്തികളായി ചരിത്രമെഴുതി. 1972-ൽ ജീൻ സെർനാന് ശേഷം മറ്റൊരു ബഹിരാകാശ സഞ്ചാരിയും ചന്ദ്രനിലേക്ക് പോയിട്ടില്ല. അതേ സമയം ഒരു മനുഷ്യന്റെ കുഴിമാടം ചന്ദ്രനിൽ ഉണ്ടെന്ന് നിങ്ങൾക്കറിയാമോ? യൂജിൻ മെർലെ ഷൂമേക്കർ എന്നാണ് ഈ വ്യക്തിയുടെ പേര് . ലോകത്തിലെ ഏറ്റവും മികച്ച ശാസ്ത്രജ്ഞരിൽ ഒരാളായി യൂജിൻ കണക്കാക്കപ്പെടുന്നു. ലോകത്തിലെ നിരവധി മികച്ച ബഹിരാകാശ സഞ്ചാരികളെ പരിശീലിപ്പിക്കാൻ അദ്ദേഹം പ്രവർത്തിച്ചിട്ടുണ്ട്.

അമേരിക്കയിലെ യൂട്ടായിലും കൊളറാഡോയിലും യുറേനിയം കണ്ടെത്തിയ ആദ്യത്തെ വ്യക്തി യൂജിനാണ്. ശാസ്ത്രരംഗത്ത് അഭൂതപൂർവമായ നിരവധി കണ്ടെത്തലുകൾ നടത്തിയതിന് അമേരിക്കൻ പ്രസിഡന്റ് ജോർജ് ബുഷ് അദ്ദേഹത്തെ ആദരിച്ചിരുന്നു. യാദൃശ്ചികമായി ഒരു റോഡപകടത്തിൽ യൂജിൻ മെർലി ഷൂമേക്കർക്ക് ജീവൻ നഷ്ടപ്പെട്ടു. ഇതിനുശേഷം, അദ്ദേഹത്തോടുള്ള ആദരവുമായി നാസ ചന്ദ്രനിൽ അദ്ദേഹത്തിന് കുഴിമാടം ഒരുക്കി. യൂജിന്റെ ചിതാഭസ്മം നാസ ചന്ദ്രനിലേക്ക് കൊണ്ടുപോയി സംസ്‌കരിച്ചു.

Keywords: News, National, World, New Delhi, Chandrayaan-3, ISRO, Science, NASA, Moon, America, Untold story of the 1st man buried on the Moon.  < !- STA RT disable copy paste -->